ඇමරිකාව සහ අප්‍රිකාව ලෝකයේ සෙසු ප්‍රදේශවලට සම්බන්ධ කරන ප්‍රධාන මුහුද යට අධිවේගී අන්තර්ජාල කේබල් පද්ධතියක් ආරම්භ කිරීමට අරමුදල් සපයන බව එක්සත් ජනපද රාජ්‍ය ලේකම් ඇන්ටනි බ්ලින්කන් හෙළිදරව් කර තිබේ.
අප්‍රිකානු රාජ්‍යයන් තුනක බ්ලින්කන්ගේ සංචාරයක් අතරතුර, චීනයේ ඩිජිටල් ආධිපත්‍යයට සහ ඔත්තු බැලීමේ අරමුණුවලට එරෙහිව ඇමරිකාව ලෝකයට අනතුරු අඟවමින්, තීරණාත්මක සන්නිවේදන යටිතල ව්‍යුහය පාලනය කිරීම සම්බන්ධයෙන් එක්සත් ජනපද-චීන එදිරිවාදිකම් උණුසුම් වන අවස්ථාවේ මෙම නිවේදනය සිදු කර ඇති බව සදහන් වේ.
සැතපුම් 10,560 දුර විහිදෙන මෙම කේබල් පද්ධතිය, අග්නිදිග ආසියාවේ සිට මැද පෙරදිග හරහා සහ අප්‍රිකාව සහ යුරෝපය දක්වා විහිදෙන බව පැවසේ.
එක්සත් ජනපදයේ අරමුදල් සපයන මෙම කේබල් මාර්ගය මහාද්වීප හරහා රටවල් 12 කට වැඩි ගණනකට අධිවේගී සම්බන්ධතාවයක් ලබා දෙනු ඇත.
මේ සදහා , එක්සත් ජනපද ටෙලිකොම් සමාගමක් වන SubCom විසින් ඇමරිකානු ඩොලර් මිලියන 600 ක කොන්ත්‍රාත්තුවක් ලබා ගෙන ඇති බව සදහන් වේ.
අප්‍රිකාව පුරා ගුවන්විදුලි ප්‍රවේශ ජාල තාක්‍ෂණය සැපයීමේදී Huawei සහ ZTE ඇතුළු චීන සමාගම්වල වැඩි වැඩියෙන් ආධිපත්‍යය දැරීම පිළිබඳව එක්සත් ජනපදය දිගු කලක් තිස්සේ ආරක්ෂක ගැටළු ඉස්මතු කර තිබුණි.
