අමෙරිකා ජනාධිපති ඩොනල්ඩ් ට්‍රම්ප් විසින් ජාත්‍යන්තර සංවර්ධනය සඳහා වූ එක්සත් ජනපද ඒජන්සිය හෙවත් USAID අත්හිටු වීමෙන් රටවල් 50කට බලපෑම් එල්ලවී ඇති බව ලෝක සෞඛ්‍ය සංවිධානය පවසනවා.
USAID ආයතනය වසා දැමීමට ඇමෙරිකානු ජනාධිපති ඩොනල්ඩ් ට්‍රම්ප් පියවර ගත්තේ අනවශ්‍ය ලෙස මුදල් වැයකර ඇති බව පවසමින්.
එවැනි පසුබිමක ලෝක සෞඛ්‍ය සංවිධානය පෙන්වා දෙන්නේ, USAID ආධාර අත්හිටු වීම හේතුවෙන් HIV, පෝලියෝ, එම්පොක්ස් හා කුරුලු උණ යන රෝගී තත්ත්වයන් මැඩ පැවැත්වීමේ වැඩසටහන්වලට බලපෑම් එල්ල වී ඇති බවයි.
විදෙස් මාධ්‍ය වාර්තා කළේ, ඒ හේතුවෙන් එම රෝග මැඩපැවැත්වීම සඳහා අරමුදල් සොයා ගන්නා තෙක් USAID අත්හිටුවීම් සිදු නොකරන ලෙස ලෝක සෞඛ්‍ය සංවිධානය ට්‍රම්ප් පරිපාලනයෙන් ඉල්ලා ඇති බවයි.
