මීට වසර පහකට පමණ පෙර හිටිහැටියේ අතුරුදන් වූ චීනයේ උයිගුර් සම්භවයක් සහිත ව්‍යාපාරිකයෙකු වසර පහකට පසු රැදවුම් කදවුරක සිටින බවට අනාවරණය කරගෙන තිබේ.
ෆ්‍රී ඒෂියා ගුවන් විදුලියට අනුව, මහමුද්ජාන් මෙහෙමත්ජාන් නම් 35 හැවිරිදි ව්‍යාපාරිකයා චීනයේ කස්ගාර් ප්‍රදේශයේ පදිංචිකරැවෙකි.
දේපළ වෙළෙදාමට සම්බන්ධ ව්‍යපාරයක් පවත්වාගෙන ගිය ඔහු 2016 වර්ෂයේ දී තවත් සගයන් පිරිසක් සමග ඇමරිකාවේ ව්‍යාපාරික සංචාරයක නිරතව තිබේ.
2017 දී ඔහු ඇමරිකාවේ සිට යළි චීනයට පැමිණ විගස හදිසියේම අතුරුදන්ව ඇත.
ඔහුව සොයාගැනීම සදහා පවුලේ සාමාජිකයන් වසර ගණනාවක් තිස්සේ උත්සහ දැරුවත් ඔහු පිළිබද කිසිදු හෝඩුවාවක් ලැබී නැත.
එහෙත් පසුගිය සතියේදී හෙළිවී ඇත්තේ ඇමරිකාවේ සිට යළි චීනයට පැමිණි වහාම ඔහුව අත්අඩංගුවට ගත් චීන බලධාරීන් විශේෂ රැදවුම් කදවුරකට රැගෙන ගොස් ඇති බවයි.
උයිගුර් ජාතිකයන් ඇතුලු සුලු ජාතිකයන් මෙලෙස බලහත්කාරයෙන් රැදවුම් කදවුරුවල රදවා ඇති බවට කලක පටන් චීනයට දැඩි ලෙස චෝදනා එල්ල වී තිබේ.
