එළවළු සහ මාළු මිල ගණන් පහළට

මේ දිනවල සියලු ආර්ථික මධ්‍යස්ථානවල එළවළු මිලෙහි මෙන්ම මත්ස්‍ය මිල ගණන් ද සීඝ්‍රයෙන් පහත බැස ඇති බවයි වෙළෙදුන් පවසනවා.

වැඩි එළවළු අස්වැන්නක් ලැබීම හේතුවෙන් වෙළඳපොල තුළ එළවළු මිල පහත බැස ඇති බවයි වාර්තා වෙන්නේ.

ඒ අනුව පෑලියගොඩ මැණින් වෙළඳපොලේ තොග මිල ගණන් අනුව කැරට් සහ ගෝවා කිලෝග්‍රෑම් 1 ක් රුපියල් 60 ත්  100 ත් අතර,  බීට්රූට් සහ නෝකෝල් රුපියල් 60 ත් 90 ත් අතර වට්ටක්කා රුපියල් 70 ත් 90 ත් අතර පිපිඤ්ඤා රුපියල් 60 ත් 80 ත් අතර ලීක්ස් සහ වම්බටු රුපියල් 100 ත් 150 අතර මිලකට අලෙවි වනවා.

නෝකෝල් රුපියල්  60 ත් 90 අතර බණ්ඩක්කාර රුපියල් 80 ත්120 ත් අතර තක්කාලි රුපියල් 180 ත් 220 ත් අතර  කරවිල රුපියල් 180 ත් 250 ත් අතර පතෝල 160 ත් 200 ත් අතර අමුමිරිස් 150 ත්  220 ත් අතර දෙහි රුපියල් 400 ත් 500 ත් අතර මිලක සටහන් වුණා.

එමෙන්ම ආනයනික අර්ථාපල් රුපියල් 145 ත් -170 අතර ලංකා අල රුපියල් 200 ත් 230 ත් අතර ආනයනික ලොකුළෑණු රුපියල් 180 ත් 260 ත් අතර ලංකා ලොකුළුණු 230ත්260 ත් අතර මිලකටයි අලෙවි වන බවද  වෙළඳපොල වාර්තා පෙන්වා දෙනවා.

මේ අතර, මාලු මිලද පහළ ගොස් ඇති බව හලාවත මත්ස්‍ය වෙළඳපොලේ වෙළදුන් පවසනවා.

බලයා කිලෝග්‍රෑම් 1 ක් රුපියල් 650කට ද කුම්බලා රුපියල් 350ට, පරව් කිලෝවක් රුපියල් 400ට අලෙවි වන අතර සාලයා කිලෝවක් රුපියල් 200ට අලෙවි වනවා.