නැවත වාහන ආනයනය කිරීම සඳහා අවසර දෙන්නැයි ශ්‍රී ලංකා වාහන ආනයනකරුවන්ගේ සංගමය බලධාරීන්ගෙන් ඉල්ලීමක් කර තිබෙනවා.
එම සංගමයේ සභාපති ශාන්ත ගමගේ පැවසුවේ මහබැංකු අධිපති නන්දලාල් වීරසිංහ සමග මේ පිළිබඳ සාකච්ඡාවක් පැවැත්වුණු බවයි.
එහිදී තම සංගමය නැවත වාහන ආනයනය කිරීම පිළිබඳව ඉල්ලීමක් කළද ඒ සඳහා සාධනීය පිළිතුරක් නොලැබුණ බව ඔහු පැවසුවා.
කෙසේ වෙතත් මේ වනවිට මෙරට සිදුවන භාවිත කළ රථවාහන විකිණීමේ වෙළෙඳපොළට සහනයක් ලැබෙන පරිදි ණය පොලී අනුපාත පහළ දැමීම සම්බන්ධයෙන් ඉදිරියේදී අවධානය යොමුකරන බවට මහ බැංකු අධිපතිවරයා එම සාකච්ඡාවේදී පවසා තිබෙනවා.
එලෙස පොලී අනුපාත අඩුවීමක් සිදුවුවහොත් භාවිත කළ රථවාහන විකිණීමේ වෙළෙඳපොළ ආරක්ෂා වනු ඇති බව වාහන ආනයනකරුවන් පෙන්වා දෙනවා.
