28 C
Colombo
Sunday, October 2, 2022

ඩක්වත් සහ ලුවිස් න්‍යයට අනුව දකුණු අප්‍රිකාවට ජය

- Advertisement -

ශ්‍රී ලංකාව සමග පැවති දෙවන එක්දින තරඟය ඩක්වත් සහ ලුවිස් න්‍යයට අනුව ලකුණු 67කින් ජය ගනිමින් තරඟාවලිය 1-1ක් ලෙස සම කරගැනීමට දකුණු අප්‍රිකානු කණ්ඩායම සමත්වුණා.

කොළඹ ආර් ප්‍රේමදාස ක්‍රීඩාංගණයට උදෑසන සිට ඇදහැලුණු වර්ෂාව හේතුවෙන් ආරම්භය පමා වූ තරගයේ එක් ඉනිමක් පන්දුවාර 47 කට සීමා වූණා. කාසිය වාසිය දිනු දකුණු අප්‍රිකානු නායකයා මුලින්ම පන්දුවට පහරදීමට තීරණය කළා.

පළමු තරඟයේ දී ආබාධයකට ලක්වීම හේතුවෙන් දකුණු අප්‍රිකානු නිත්‍ය නායක ටෙම්බා බවුමාට තරගාවලිය අහිමි වූ අතර කණ්ඩායම මෙහෙයවීමේ වගකීම පැවරුණේ කේෂව් මහරාජ්ටයි.

නියමිත පන්දුවාර 47 තුළ දකුණු අප්‍රිකානු කණ්ඩායම කඩුලූ 6ක් දැවී ලකුණු 283 ක් ලබා ගත්තා. ජනමන් මලාන් ලකුණු 121යි. එය ඔහුගේ තුන්වන එක්දින ශතකයයි. පන්දු යැවීමේදී දුෂ්මන්ත චමීර සහ චාමික කරුණාරත්න කඩුලු 2 බැගින් දවාගත්තා.

පිළිතුරු ඉනිම ක්‍රීඩාකළ ශ්‍රී ලංකා කණ්ඩායමේ මුල් පෙළ පිතිකරුවන්ට පිටේ ස්ථාවර වීමට දකුණු අප්‍රිකානු පන්දු යවන්නන් ඉඩ ලබා දුන්නේ නැහැ. ලකුණු 19ක් වෙද්දී ශ්‍රී ලංකා ඉනිමේ කඩුලු 3ක් බිඳ වැටී තිබුණා.

ශ්‍රී ලංකා ඉනිමේ 25වන පන්දු වාරය අවසානයේ තරගයට වර්ෂාවෙන් බාධා එල්ල වුණා. ඒ අනුව තරගයේ පන්දුවාර ගණන 41කට අඩු කෙරුණු අතර ජයග්‍රහණය සඳහා හිමි වූ ඉලක්කය ලකුණු 265ක්.

ඒ වනවිට කඩුලු 4ක් දැවී ලකුණු 114ක් ලබා සි⁣ටි ශ්‍රී ලංකාවට පන්දුවාර 16කදී ලකුණු 151ක් ලබා ගත යුතු වුණා. ඒ වනවිට දසුන් ශානක සහ චරිත් අසලංක කඩුල්ලේ රැඳී සිටියා.

කෙසේ වෙතත් දසුන් ලකුණු 30කටත් අසලංක ලකුණු 77කටත් දැවී ගියා. ඉන්පසුව පිටියේ ස්ථාවර වූ චාමික කරුණාරත්න ප්‍රවේගකාරී පිතිහරඹයක නිරත වෙමින් කෙමෙන් කෙමෙන් ජයග්‍රහණය පිළිබඳ බලාපොරොත්තු ගොඩ නැඟුවා. ලකුණු 33ක් ලබා සිටියදී ඔහු දවාගත් කේෂව් මහරාජ් ගේ තරගයේ ජයග්‍රහණය තමන්ගේ නමට ලියා ගත්තා. ශ්‍රී ලංකා පිතිකරුවන් සියලුදෙනා පන්දුවාර 36.4කදී ලකුණු 197කට දැවී ගියා. ටැබ්රේස් ශම්සි ලකුණු 49කට කඩුලු 5ක් දවා ගත්තා.

ඩක්වත් සහ ලුවිස් න්‍යයට අනුව ලකුණු 67කින් තරගය ජයගනිමින් තරගාවලිය 1-1ලෙස සම කරගැනීමට සංචාරක දකුණු අප්‍රිකාව සමත් වුණා. ⁣තුන්වන සහ අවසන් තරගය ලබන අඟහරුවාදා පැවැත්වෙනවා.

RECENT ARTICLES - SINHALA

රනිලුත් ගැසට් රිවර්ස් අරඹයි

කොළඹ නගරයේ ප්‍රදේශ කිහිපයක් අධි ආරක්ෂක කලාප ලෙස නම් කරමින් නිකුත් කර ඇති ගැසට් නිවේදනය බලරහිත කර තිබෙනවා. ජනාධිපති...

චීන කසළ පොහොර ගනුදෙනුවෙන් රජයට බිලියන 1.3ක පාඩුවක්

චීන කාබනික පොහොර ගනුදෙනුවේ දී රජයට රුපියල් මිලියන 1,382ක පාඩුවක් සිදුව ඇති බව විගණකාධිපතිවරයා නිකුත් කළ නවතම වාර්තාවක දැක්වෙනවා.

රනිල් ඉන්ධන මිල බස්සයි..!

අද (01) මධ්‍යම රාත්‍රියේ සිට පෙට්‍රල් 92 ලීටරයක් රුපියල් 40කින් සහ පෙට්‍රල් 95 ලීටරයක් රුපියල් 30කින් අඩු කරන බව බලශක්ති අමාත්‍යවරයා පවසයි.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...