ජනප්රිය දකුණු ඉන්දියානු චිත්රපට නළුවෙකු වන විජෙයි විසින් සිය දෙමව්පියන් දෙදෙනා ඇතුළු 11 දෙනෙකුට එරෙහිව සිවිල් අධිකරණයක් හමුවේ නඩු පවරා ඇති බව Indian express වාර්තා කර සිටිනවා.
විජෙයි ගේ මවගේ නම ශෝබා වන අතර ඔහුගේ පියා එරට ජනප්රිය චිත්රපට අධ්යක්ෂකවරයෙකු වන SA චන්ද්රසේකර් වේ.
තමන්ගේ නම භාවිතා කරමින් කිසිවෙකුටත් මහජන ඒකරාශි කිරීම් සහ උත්සව සංවිධානය කිරීමට අවසර නොදෙන ලෙස විජෙයි විසින් මෙහිදී ඉල්ලා ඇත.
ඔහුගේ පියා වන SA චන්ද්රසේකර් විසින් විජෙයි දේශපාලනයට උනන්දුවක් දක්වන බව ප්රකාශ කර ඇති අතර ඔහු විසින් විජෙයි ගේ නම භාවිතා කරමින් දේශපාලන පක්ෂයක් ද ලියාපදිංචි කර ඇති බව පැවසේ.
එම පක්ෂයේ සභාපතිවරයා ලෙස ඔවුන්ගේ ඥාතියෙකු වන පද්මනාදන් නැමැත්තා ද භාණ්ඩාගාරික ලෙස විජෙයිගේ මව වන ශෝබා පත්කොට ඇත.
කෙසේ නමුත් තමන් කිසිදු දේශපාලන පක්ෂයක් පිහිටුවා ගැනීමට අවසර නොදුන් බවයි නිවේදනයක් නිකුත් කරමින් විජෙයි ප්රකාශ කර සිටින්නේ.
මේ සම්බන්ධව පැවරූ නඩුව සැප්තැම්බර් මස 27 වෙනිදා විභාගයට ගැනීමට නියමිතයි.
කෙසේ නමුත් මේ සම්බන්ධව අදහස් දක්වමින් ඔහුගේ පියා පවසන්නේ ප්රශ්න නොමැති පවුලක් මෙලොව නොමැති බවයි.