පාකිස්තානයේ ප්‍රකට විදේශ ප්‍රතිපත්ති විශේෂඥයෙක් වන උසායිර් යූනුස් (Uzair Younus) ඉන්දියාවේ ඩිජිටල්කරණය පිළිබඳ සුවිශේෂි සහතිකයක් ලබා දී ඇත.
මෑතකදී තමන් ඉන්දියාවේ කළ සංචාරය දැනුණේ “අනාගතයට” පියවර තැබීමක් ලෙස බව ‘The Pakistan Experience’ නම් පෞද්ගලික යූ ටියුබ් නාලිකාවක් සමග සංවාදයකට එක්වෙමින් යූනුස් පවසා ඇත.
ඔහු එහිදී වැඩිදුරටත් කියා සිටියේ “දේශපාලනය වෙනුවෙන් වෛරයේ බොරුවෙන්” පාකිස්තානුවන් පෝෂණය කෙරෙන බවයි.
කුඩා පාන් අළෙවිසැලක පවා QR කේතයක් ස්කෑන් කිරීමේ පහසුකම් ඇතිබව දැකීමෙන් තමන් විස්මයට පත් වූ බව ඔහු පෙන්වාදී ඇත.
පාකිස්ථානයේ 5G ජාලයක්වත් නොමැති බව ඔහු මෙහිදී සඳහන් කර තිබේ.
ඉන්දියාවේ ඉතා දුෂ්කර ගම්මානවල වෙසෙන අඩු ආදායම්ලාභීන්ට පවා රජයෙන් ලැබෙන සහනාධාර ඩිජිටල්කරණය කර ඇති බව පෙන්වා දුන් යූනුස් ඒ හරහා දූෂණය අවම කර ඇති බව ද පෙන්වා දුන්නේය.
