මෙවර IPL වෙන්දේසියේ මෙතෙක් විදෙස් ක්‍රීඩකයෙකු අලෙවි වූ වැඩිම වටිනාකම වාර්තා කරමින් වනිදු හසරංග ඉන්දියානු රුපියල් කෝටි 10.75 කට මිලදී ගැනීමට රෝයල් චැලෙන්ජර්ස් බැංගලෝර් කණ්ඩායමට කටයුතු කළා.
වනිදුව මිලදී ගැනීම සිදුකළේ පසුගිය වසරේද ඔහුව මිලදීගත් රෝයර් චැලෙන්ජර්ස් බැංගලෝර් කණ්ඩායමයි.
එය මෙවර IPL ක්‍රීඩක වෙන්දේසියේ මෙතෙක් විදෙස් ක්‍රීඩකයෙකු අලෙවි වූ වැඩිම වටිනාකමයි.
එම වටිනාකම ශ්‍රී ලංකා මුදලින් රුපියල් කෝටි 29කට ආසන්න අගයක් ගනී.
එය IPL ඉතිහාසයේ ශ්‍රී ලාංකීක ක්‍රීඩකයෙකුට හිමිවූ වැඩිම වටිනාකමයි.
මීට පෙර වැඩිම වටිනාකමකට අලෙවි වී තිබු ඇන්ජලෝ මැතිව්ස් 2015 වර්ෂයේ DD කණ්ඩායම විසින් මිලට ගෙන තිබුණේ ඉන්දියානු රුපියල් කෝටි 7.50කටයි.
වනිදු මේ වන විට අන්තර්ජාතික ක්‍රිකට් කවුන්සලයේ T20 පන්දු යවන්නන්ගේ ශ්‍රේණිගත කිරීමේ අංක 01 ස්ථානයේ පසුවෙයි.
