පවතින ආර්ථික අර්බුදය හමුවේ ජනාධිපතිවරයා ඉල්ලා අස්විය යුතු බවට බලකරමින් ජාතික ජල සම්පාදනය මණ්ඩලයේ රත්මලාන ප්‍රධාන කාර්‍යාලය අසල ඊයේ (07) විරෝධතාවයක් පැවැත්විණ.
මෙහිදී මාධ්‍ය ඇමතූ ජල සම්පාදන සේවක සංගමයේ සම ලේකම්, ඉංජිනේරු උපාලි රත්නායක මහතා,
“ආණ්ඩුව ඉල්ලා අස් වෙන්න ඕනෙ. ජනාධිපති ගෙදර යන්න ඕනෙ. පාර්ලිමේන්තුවේ ඔලුගෙඩි වෙනස් කරලා අපිට වැඩක් නෑ. ජනතාවට කැමති පාලනයක් පත්කර ගන්න අපිට ඉඩ දෙන්න ඕනෙ.
පුළුවන් නම් ජොන්ස්ටන් ඇමතිතුමෝ, අපේ මේ උද්ඝෝෂණය නවත්තන්න. උඹලට ගෙදර යන්න වෙනවාමයි. යනකල් අපි මේක නවත්‍තන්නෙ නෑ මයි.”
