කෙරවලපිටිය යුගදනවි විදුලි බලාගාරයේ කොටස් හා මෙරට LNG සැපයුම අමෙරිකාවේ නිව් ෆෝට්රස් සමාගමට ලබාදීමට එරෙහිව ඛනිජතෙල්, වරාය, විදුලිය සහ ජල සම්පාදන ආයතන ඉදිරිපිට එහි සේවකයින් අද (03) විරෝධතාවයක නිරත වනවා.
විරෝධතා හේතුවෙන් විදුලි බිඳවැටීම් සහ ජල සැපයුමට බාධා සිදුවුවහොත් එහි වගකීම තමන් භාරනොගන්නා බවයි වෘත්තිය සමිති ඊයේ පැවති මාධ්ය හමු වලදී අවධාරණය කර සිටියේ.
කොළඹ පිහිටි විදුලිබල මණ්ඩලයේ ප්රධාන කාර්යාලය ඉදිරිපිටදි ලංකා විදුලිබල මණ්ඩලයේ සේවකයින් අද දහවල් විරෝධතාවයේ නිරත වන අතර දුලි සේවක විරෝධතාවයට සහය දක්වමින් ලංකා ඛණිජ තෙල් සංස්ථා සේවකයන් සපුගස්කන්ද තෙල් පිරිපහදුව ඉදිරිපිටදී සහ කොලොන්නාව තෙල් ගබඩා සංකීර්ණය ඉදිරිපිටදී අද දහවල් විරෝධතාවයේ නිරත වනවා.
මේ අතර, කොළොන්නාව තෙල් සංස්ථාව ඉදිරිපිට මාර්ගයේ පැවැත්වීමට නියමිත විරෝධතාවයෙන් මහජන පීඩාවක් ඇති වන බැවින් එය නවතා දමන ලෙස ආඥාවක් නිකුත් කරන්නැයි වැල්ලම්පිටිය පොලීසිය කළ ඉල්ලීම කොළඹ අතිරේක මහේස්ත්රාත් රජින්ද්රා ජයසූරිය ඊයේ ප්රතික්ෂේප කළා.
ඉදිරියේදී පැවැත්වීමට නියමිත උද්ඝෝෂණයක් සම්බන්ධයෙන් තමාට නියෝගයක් නිකුත් කළ නොහැකි බවයි අතිරේක මහේස්ත්රාත්වරිය කියා සිටියේ.
විදුලි සේවක උද්ඝෝෂණය හමුවේ විදුලි විසන්ධි වීමක් සිදුව එය යථා තත්වයට පත් කිරීමට නොහැකි වුවහොත් ජල සැපයුමට ද බාධා එල්ල විය හැකි බවයි ලසම්පාදන වෘත්තීය සමිති ඒකාබද්ධ සන්ධානයේ කැඳවුම්කරු, ඉංජිනේරු උපාලි රත්නායක පවසන්නේ.
මීට සමගාමීව වරාය වෘත්තීය සමිති සංවිධානය කර ඇති විරෝධතාවය කොළඹ වරාය ඉදිරිපිට පිහිටි ඔරලෝසු කනුව අසලදී පැවැත්වෙන බව සමස්ත ලංකා වරාය පොදු සේවක සංගමයේ ලේකම් නිරෝෂන් ගොරකානගේ පවසනවා.
මේ අතර, කෙරවලපිටිය යුගදනවි බලාගාරයේ රජය සතු කොටස්වලින් 40%ක් අමෙරිකානු සමාගමක් වෙත පැවරීමට ශ්රී ලංකා රජය අත්සන් කර තිබෙන ගිවිසුම බලරහිත කිරීමේ ආඥාවක් නිකුත් කරන්නැයි ඉල්ලා ශ්රේෂ්ඨාධිකරණයට ඊයේ මූලික අයිතිවාසිකම් පෙත්සමක් ඉදිරිපත් කෙරුණි.