හම්බන්තොට මුහුදේ වෙරළාශ්‍රිතව ඉදිකරන ලද සුළං බලාගාරයක් හරහා සිංගප්පූරුවට විදුලිය අපනයනය කිරීමේ ව්‍යාපෘතියක් ආරම්භ කරන බව සූර්යබල, සුලං හා ජල විදුලි ජනන ව්‍යාපෘති සංවර්ධන රාජ්‍ය අමාත්‍ය දුමින්ද දිසානායක මහතා පවසනවා.
විදුලිබල අර්බුදය සම්බන්ධයෙන් අද (31) කොළඹදී පැවති ප්‍රවෘත්ති සාකච්ඡාවකට එක්වෙමින් ඒ මහතා මෙම අදහස් පලකළා.
ශ්‍රී ලංකාවට පැමිණි ආයෝජකයෙකු මෙම ව්‍යාපෘතිය ක්‍රියාත්මක කිරීමට සූදානමින් සිටින බවයි අමාත්‍යවරයා මාධ්‍ය වෙත පවසා සිටියේ.
මෙම ව්‍යාපෘතිය යටතේ මෙගාවොට් 5000 ක විදුලියක් ජනනය කරන බවත් ඉන් මෙගාවෙට් 1000 ක් මෙරටට ලබාදී ඉතිරි මෙගාවොට් 4000 සිංගප්පූරුවට අපනයනය කිරීමට සූදානම් වනවා.
මෙතෙක් කල් විදුලිය අපනයනය කළ හැකි යැයි ආණ්ඩුව කල්පනා නොකළ බව අමාත්‍යවරයා පවසනවා.
මේ හරහා ලංකාවට ආදායමක් ගෙනඒමට සිය අමාත්‍යංශය සූදානම් බව දුමින්ද දිසානායක මහතා පෙන්වා දෙනවා.
