වත්මන් ආර්ථික අර්බුදයෙන්, දුප්පත් පොහොසත් භේදයකින් තොරව සියලු ශ්රී ලාංකිකයන් පීඩා විඳිමින් සිටින බව කෘෂිකර්ම අමාත්ය මහින්ද අමරවීර පවසනවා.
ඒ, සූරියවැව ප්රදේශයේ ගැබිනි කාන්තාවන් සඳහා තම පෞද්ගලික වියදමින් වියළි ආහාර ලබාදීමේ වැඩසටහනකට එක්වෙමින්.
වර්තමානයේදී කිසිවෙක් සැපපහසු ජීවිතයක් ගත කරනවා යැයි කිව නොහැකි බවයි අමාත්යවරයා සඳහන් කරන්නේ.
මතුව ඇති තත්වයට වගකිව යුතු දේශපාලනඥයන් හෝ නිළධාරීන් සොයමින් සිටීම නොව සිදුකළ යුත්තේ සියලුදෙනා එකට එකතු වී අර්බුදයෙන් මිදීමට අවශ්ය පියවර ගැනීම බවද අමරවීර පෙන්වා දෙනවා.
මේ සියලු අර්බුද සමග ආණ්ඩුවේ ඇමතිවරයෙකු ලෙස ජනතාවට මුහුණදීමද අසීරු බවයි කෘෂිකර්ම ඇමතිවරයා පවසන්නේ. කෙසේ නමුත් මෙවැනි අර්බුදකාරී අවස්ථාවක විපක්ෂයේ සිටිමින් කෑගැසීම නොව තිබෙන කුමන හෝ ආණ්ඩුවකට එකතු වී දේශපාලනඥයෙකු ලෙස රට වෙනුවෙන් සේවය කිරීම වැදගත් බවත් ඔහු සඳහන් කරනවා.
සාමාන්ය ජනතාව පමණක් නොව දේශපාලනඥයන්ද ඉතා අසීරුවෙන් ජීවත් වන නමුත්, හැකි ආකාරයෙන් අසරණ ජනතාව වෙනුවෙන් මෙවැනි වැඩසටහන් ක්රියාත්මක කරන බවද අමරවීර මහතා ප්රකාශ කරනවා.