හම්බන්තොට ප්‍රදේශයට පිරිසිදු ජලය ගෙන යාම සඳහා ලෝක උරුම සිංහරාජ වැසි වනාන්තරය මධ්‍යයේ අක්කර පහ බැගින් වූ විශාල වැව් දෙකක් ඉදි කිරීමට තම රජය කටයුතු කරමින් සිටින බව අමාත්‍ය චමල් රාජපක්ෂ මහතා සඳහන් කරනවා.
හම්බන්තොට ප්‍රදේශයට ජලය රැගෙන යාමට ජලය එක්රැස් කිරීම සඳහා මෙම වැව් දෙක ඉදිකිරීමට සැළසුම් කර ඇති බවයි ඔහු පවසන්නේ.
හිටපු ජනාධිපති මහින්ද රාජපක්ෂ මහතාගේ ධූර කාලයේදී මෙය චීන සමාගමක් සමඟ වැඩ ආරම්භ කලද පසුගිය රජය සමයේ එම ව්‍යාපෘතිය නතර කෙරුණු බවද අමාත්‍යවරයා සදහන් කළා.
අදාල වැව් දෙක ඉදිකිරීම තුළින් සිංහරාජ වනය තුළ යට වන ගස් සඳහා වෙනම අක්කර පනහක් සීයක් පමණ ගස් සිටුවා දීමට කටයුතු කරන බවද චමල් රාජපක්ෂ මහතා සදහන් කළා.
එමෙන්ම වන වැස්ම වැඩිකිරීම සඳහා රබර් වගාව වැඩි කිරීමටද කටයුතු කරන බවද ඔහු රැස්ව සිටි පිරිස අමතමින් පවසා සිටියා.
අමාත්‍යවරයා මෙම අදහස් පලකළේ පසුගිය 20 වනදා වීරකැටියේ පැවති උත්සවයක් අමතමින්.
