- “මේ රට ආරක්ෂා කරනවා කියලා භාර ගත්තු කණ්ඩායම රට විනාශ කරනවා”
- “දියුණුව කියලා කියන්නේ තියෙන සම්පත් සියල්ල විකුණා දැමීම නෙවෙයි”
- “අපි දැන් කල්පනා කරනවා ඇයි අපි ඡන්දෙ දාන්නෙ කියලා”
- “වරාය ඇමතිතුමා සුදුළුණු පොඩි කරන්න එනවා”
- “ඒකාධිපතිවාදයකටවත්, බොරු ගේම්ස්වාදයකටවත් ඉඩ දෙන්න බෑ”
- “මිනිස්සුන්ට අද කන්න නෑ, ආදායමක් නෑ, පෝර නෑ, එන්නත් නෑ. අපි හිඟාකනවා”
- “පාලකයන්ගේ කටයුතු ගැන ස්වාභාවධර්මය උරණ වෙලා ශාප කරලා”
- “අපිට රටේ නායකයා ගැන විශ්වාස කරන්න බෑ”
රට ආරක්ෂා කරන බවට පවසමින් රට භාරගත් පිරිසම රට විනාශ කරමින් සිටින බවට මැල්කම් කාදිනල් රංජිත් හිමිපාණන් පවසනවා.
උන්වහන්සේ මේ බව පැවසුවේ අද (02) පැවති මාධ්‍ය හමුවක් අමතමින්.
තමන් මේ සම්බන්ධයෙන් අදහස් දක්වන්නේ වේදනාවකින් බවත් වත්මන් පාලනාධිකාරිය විසින් රටේ සියළු බලාපොරොත්තු සුණු විසුණු කර දමා ඇති බවත් උන්වහන්සේ පවසනවා.
“මේ රට හොහාටද යන්නේ? කවුද මේක පාලනය කරන්නේ? කවුද මේකෙ තීරණ ගන්නේ? කියන තත්වය පිළිබඳව ඉතාමත් අවිනිශ්චිත පරිසරයක් ඇතිවෙච්ච රටක් බවට පත් වෙලා තියෙනවා. ඒ නිසා අපි මේ රටේ පුරවැසියන් හැටියට කියන්න තියෙන එකම දේ කරුණාකරලා මේ ගමන නවත්තන්න” යැයි උන්වහන්සේ පවසනවා.
දියුණුව යනුන් රටේ සම්පත් සියල්ල විකුණා දැමීම නොවන බවත් විවිධ රටවලට මෙරට භූමිය පූජා කිරීමට ඉදිරිපත් නොවන ලෙස ඉල්ලා සිටින බවත් මැල්කම් කාදිනල් රංජිත් හිමිපාණන් පවසනවා.
ගිවිසුම සමඟ සම්බන්ධවී කටයුතු කළ දේශපාලඥයින් මෙම කටයුත්තේදීද ඊටත් වඩා සක්‍රීයව වැඩ කටයුතු සිදු කරමින් සිටින බව පෙනෙන්නට ඇති බවත් තමන් ඡන්දය භාවිතා කරන්නේ මෙවැනි දේ රටට සිදු කිරීමටදැයි රටේ ජනතාව සිතමින් සිටින බවත් උන්වහන්සේ වැඩිදුරටත් පවසා සිටිනවා.
