පාසල් නැවත ආරම්භ කිරීමට තරම් ප්රමාණවත් පහසුකම් මෙරට සතුව නොමැති බව සෞඛ්ය සේවා නියෝජ්ය අධ්යක්ෂ ජනරාල් වෛද්ය හේමන්ත හේරත් මහතා පවසනවා.
ඊයේ (06) දින මාධ්ය අමතමින් ඒ මහතා ප්රකාශ කර සිටියේ පාසල් විවෘත කිරීම සුදුසුද නැද්ද යන කාරාණය ඉතාමත් සාපේක්ෂ ක්රියාවලියක් බවයි.
අවශ්ය මූලික පහසුකම් සහ සම්පත් ඇත්නම් විශාල වසංගතයක් මධ්යයේ වුවද පාසල් විවෘතව තැබිය හැකි නමුත් ෛඩකඩ පහසුකම්, සනීපාර්ක්ෂක පහසුමක් සහ ප්රවාහන පහසුකම් දියුණු රටවල් වල මෙන් මෙරට සතු නොවන නිසා පාසල් විවෘත කිරීම අපහසු කාර්යයක් බවට පත්ව ඇති බවයි ඒ මහතා පෙන්වා දෙන්නේ.
කෙසේ නමුත්, අධ්යාපන අමාත්යාංශයේ ලේකම් මහාචාර්ය කපිල පෙරේරා මහතා පවසන්නේ සෞඛ්ය අංශවලින් අනුමැතිය ලද වහාම පාසල් විවෘත කිරීමට සූදානම් බවයි.
මීට අදාලව දැනටමත් පළාත් අධ්යාපන අධ්යක්ෂවරුන් සමඟ සාකච්ඡා අරඹා ඇති බවත් මේ සාකච්ඡා වට වලින් පසුව පාසල් විවෘත කිරීම පිළිබඳව නිසි සැලැස්මක් අධ්යාපන අමාත්යවරයාට ඉදිරිපත් කිරීමට බලාපොරොත්තු වන බවත් ඔහු පවසනවා.
එමෙන්ම, පසුගිය කාලයේදී කොරෝනා වසංගතය මධ්යයේ පාසල් විවෘත කිරීමට යොදාගත් ක්රමවේදයද මේ දිනවල සමාලෝචනය කෙරෙන බවයි ඔහු පැවසුවේ.
මේ වන විට කොවිඩ් මර්දන එන්නතේ පළමු මාත්රාව ගුරුවරුන්ගෙන් 88% කට පමණ ලබාදී අවසන් බවත් කෑගල්ල, අම්පාර, පුත්තලම ,වව්නියාව යන ප්රදේශවල ගුරුවරුන්ට දෙවෙනි එන්නත් මාත්රාව ලබාදීමට මේදිනවල කටයුතු කරගෙන යන බවත් මහාචාර්ය කපිල පෙරේරා මහතා පවසනවා.