රජය මුදල් ගස් වලින් නොකඩන බව අමාත්‍ය නාමල් රාජපක්ෂ මහතා පවසනවා.
ඒ, අද (03) දින මාධ්‍ය හමුවේ අදහස් දක්වමින්.
ජනතාවගේ බදු මුදල්, අපනයන ආදායම් සහ විදේශ විනිමය මාර්ග වන සංචාරක කර්මාන්ත හරහා මෙරට ආදායම් කලමණාකරණය කරන බවයි ඔහු පෙන්වා දෙන්නේ.
කෙසේ නමුත් ජනතා සුභ සිද්ධිය සැලසීමේ රජයේ වගකීම පෙරදැරි කොට අමාරුකම් ඉවසාගෙන එය ජනතාවගේ පිට නොපටවා වැඩ කටයුතු කිරීමට සැලසුම් කර ඇති බවත් අදාල මුදල්ද මේ වන විට සම්පාදනය කර ඇති බවත් ඔහු පවසනවා.
එමෙන්ම, වැඩ ලක්ෂයක ව්‍යාපෘතිය ගම් මට්ටමින් සාර්ථකව කිරීමට බලාපොරොත්තු වන බවයි අමාත්‍යවරයා වැඩිදුරටත් පවසන්නේ.
