අද වන විට තම සමාගම සතුව කිරි අතිරික්තයක් ඇති බව පැලවත්ත කිරි සමාගමේ සභාපති ආරියසීල වික්‍රමනායක මහතා පවසනවා.
දෛනිකව තම සමාගම කිරිපිටි මෙට්‍රික් ටොන් 5ක ප්‍රමාණයක් වෙළඳපොලට මුදාහරින අතර තවත් ටොන් 75 ක ප්‍රමාණයක් ගබඩාවල තිබෙන බවයි සභාපතිවරයා පෙන්වා දෙන්නේ.
එම අතිරික්තය කිරිපිටි ලෙස චීනයට සහ බටර් ලෙස ජපානයට අපනයනය කිරීම සඳහා ඇති අවස්ථා සොයා බලන ලෙසට අපනයන සංවර්ධන මණ්ඩලය විසින් සිය සමාගමට දැනුම් දී ඇති බවත් හෙතෙම පවසනවා.
මෙරට ජනතාවට අවශ්‍ය තරම් කිරි මෙරට තුළ ඇති බවත් පිටරටින් කිරි අවුන්සයක් වත් ආනයනය කිරීමේ වුවමනාවක් නැති බවත් ඔහු තවදුරටත් අවධාරණය කර සිටිනවා.
