පවතින ප්රශ්නවලට ආණ්ඩුව කිසිම විසඳුමක් නොදෙන තත්ත්වයක ජනතාව සමඟ කැරැල්ලට එකතු වෙන දවස වැඩි ඈතක නොවන බව ශ්රී ලංකා නිදහස් පක්ෂයේ මහ ලේකම්, පාර්ලිමේන්තු මන්ත්රී දයාසිරි ජයසේකර මහතා පවසනවා.
මිනිස්සුන්ට දින පහ හය පෝලිම් වල සිටීමට සිදුව තිබෙන අතර විශාල ආර්ථික කඩා වැටීමක් සිදුව තිබෙන බවයි මන්ත්රීවරයා පෙන්වා දෙනවා.
මේ මොහොතේත් පවසන්නේ ප්රමාද නොවී සර්ව පාක්ෂික ආණ්ඩුවක් සාදන ලෙසත් ඊට අවශ්ය සහය දීමට කටයුතු කරන බවත් ජයසේකර මහතා කියා සිටිනවා.
පක්ෂයක දෙකක අයට පමණක් පවතින ප්රශ්න විසඳිය නොහැකි අතර සියලුම දෙනා එකතු වීම අවශ්ය බවත් හෙතෙම පවසනවා.
මේ අතර, වත්මන් ආණ්ඩුවට විරෝධය පළකරමින් හෙට පස්වරු 04 ට කොළඹ කොටුව දුම්රියපළ ඉදිරිපිට විරෝධතාවක් පැවැත්වීමට සමගි ජනබලවේගය තීරණය කර තිබෙනවා.