රටට අහිතකර විදේශ ගිවිසුම් වලට එළඹිය නොයුතු බව ශ්‍රී ලංකා පොදුජන පෙරමුණු ගාල්ල දිස්ත්‍රික් පාර්ලිමේන්තු මන්ත්‍රී, හිටපු ඛණිජ තෙල් සම්පත් සංවර්ධන අමාත්‍ය, හිටපු නියෝජ්‍ය කථානායක චන්දිම වීරක්කොඩි මහතා පවසනවා.
ඒ, ඊයේ (25) දින ගාල්ලේ පැවති මාධ්‍ය හමුවක් අමතමින්.
මීට පෙරද මෙවැනි යෝජනාවකට විරුද්ධ වීම නිසා සිය කැබිනට් අමාත්‍යධූරය පවා වෙනස් වූ බවයි ඔහු පෙන්වා දෙන්නේ.
ශ්‍රී ලංකාවට ආයෝජන ගෙන ඒම සම්බන්ධව කිසිදු ආකාරයක විරුද්ධතාවයක් නොමැති නමුත් ටෙන්ඩර් කැඳවීමකින් තොරවම ස්වාභාවික වායු සැපයීමේ කොන්තරාත්තුව දිගුකාලීනව යම් පාර්ශවයකට ලබාදුනහොත් ශ්‍රී ලංකාවට ස්වාභාවික වායු උකහා ගැනීම සඳහා ආයෝජනය කිරීමට හැකියාවක් නොමැතිවන බවයි ඔහු පවසන්නේ.
“මම ඉතාම ඕනෑකමින් ඉල්ලා හිටිනවා ජනාධිපතිතුමාගෙනුත්, කැබිනට් මණ්ඩලයනුත්, මොකද අපිට මේ පිළිබඳ අදහස් දක්වන්න අවස්ථාවක් නැහැ. මේ කාරණය පිළිබඳ අවධානය යොමු කරන්න.
අපි කවදා හරි මැරිල යයි නමුත්, අපේ අනාගත පරම්පරාව වෙනුවෙන්, මේ රටේ බලශක්තිය ආරක්ෂා කරන්න. මේ රට තුළ තිබෙන තිබෙන ස්වභාවික සම්පත් ප්‍රයෝජනයට අරගෙන අපේ ණය ටික නැති කරන්න. අපි රට ගොඩනඟන්න තියෙන අවස්ථාව නැති නොවන ආකාරයෙන් මේ ගිවිසුම්වලට එළඹීම සිදුවිය යුතුයි කියන කාරණය තමයි මට කියන්න තියෙන්නේ ” යැයි ඔහු පවසයි.
