වත්මන් ආර්ථික අර්බුදයන්ගෙන් පීඩාවට පත්ව සිටින ජනතාව විසින් සිදුකරන ජන අරගලයට සිය සහය නොලැබෙන බව කොළඹ රාජකීය විද්‍යාලය පවසනවා.
ලිපියක් මගින් ඔවුන් දන්වා සිටින්නේ නිර්පාක්ෂිකව සිටීමට තමන් දැරූ ස්ථාවරය තව දුරටත් පවත්වාගන්නා බවයි.
විවිධ රාජකීය ආදි සිසුන් තමන්ගේ පුද්ගලික මතිමතාන්තර පෙරදැරිව විරෝධතාවයන්ට සහභාගී වුවද ඊට පාසල වශයෙන් සිය විද්‍යාලය අදාල නොවන බවයි ඔවුන් පවසන්නේ.
කෙසේ නමුත්, වත්මන් අරගලය කිසිඳු පක්ෂයකට අදාල නොවන දෙයක් බවත් එය සමස්ථ ජනතාවගේ පීඩාවන්ගේ ප්‍රකාශනයක් බවත් රාජකීය විද්‍යාලයට නොවැහටී ඇති බව පෙනෙන්නට තිබෙනවා.
වත්මන් ජනාධිපතිවරයාගේ පාසල වන කොළඹ ආනන්ද විද්‍යාලයද අරගලයට සහය දක්වමින් විරෝධතාවයක් සිදුකර ඇති පසුබිමක සහ ගුරු – විදුහල්පතිවරුන් මීට සහය දක්වමින් දීප ව්‍යාප්ත වැඩවර්ජනයක් දියත් කර ඇති පසුබිමක රාජකීය විද්‍යාලය මෙවැනි ලිපියක් නිකුත් කිරීම විශේෂත්වයක්.
