අද (4) අළුයම 1ට පමණ වැලිගම ප්රදේශයේ සිදු කළ වෙඩි තැබීමකින් පුද්ගලයෙකු මිය ගොස් තවත් පුද්ගලයෙකු තුවාල ලබා තිබුණා.
වැලිගම පොලිස් වසමේ කප්පරතොට වල්ලිවෙල මාර්ගයේ පා ගමනින් ගමන්කරමින් සිටි පුද්ගලයන් පස් දෙනෙකුට මෙලෙස වෙඩිතබා ඇති බව මේ වන විට අනාවරණය වී තිබෙනවා.
පොලීසිය පවසන්නේ මේ අතරින් පුද්ගලයන් දෙදෙනෙකුට පමණක් වෙඩි වැදී ඇති අතර ඉන් එක් පුද්ගලයෙක් මිය ගොස් ඇති බවයි.
වෙඩි වැදීමෙන් මියගොස් ඇත්තේ කප්පරතොට ප්රදේශයේ පදිංචිව සිටි 26 හැවිරිදි පුද්ගලයෙක්.
තුවාල ලැබූ පුද්ගලයා ද එම ප්රදේශයේම පදිංචි 29 හැවිරිදි පුද්ගලයෙක් බව පොලීසිය තවදුරටත් පවසනවා.
යතුරුපැදි තුනකින් පැමිණි නාඳුනන පිරිසක් විසින් වෙඩි තැබීම සිදුකර පලාගොස් ඇති බව මේ වන විට හෙළි වී තිබෙනවා.
කෙසේවෙතත්, මෙම වෙඩිතැබීමට හේතුව මෙතෙක් අනාවරණය වී නැහැ. වැලිගම පොලීසිය මේ සම්බන්ධව වැඩිදුර විමර්ශන පවත්වනු ලබනවා.
