අමෙරිකානු ජනාධිපති ජෝ බයිඩ්න් සිය වසර 4ක ධුර කාලයෙන් දින 532ක් සාමාන්‍ය නිවාඩු ලෙස ලබාගෙන ඇති බවට අනාවරණ වී තිබෙනවා.
එම කාලය ඔහුගේ ධුර කාලයෙන් සියයට 40ක් බව සඳහන්.
විදෙස් වාර්තා සඳහන් කළේ රිපබ්ලිකන් ජාතික කමිටුව කළ විශ්ලේෂණයකින් මේ බව හෙළිවී ඇති අතර, ජනාධිපතිවරයා ලබාගත් නිවාඩු සංඛ්‍යාව අමෙරිකාවේ සාමාන්‍ය කාර්යාල සේවකයෙකු වසර 48කදී ලබාගන්නා සාමාන්‍ය නිවාඩු දින ගණනට සමාන බවයි.
එරට කාර්යාල සේවකයෙකුට වසරක් තුළදී හිමිවන්නේ සාමාන්‍ය නිවාඩු දින 11ක් පමණයි.
81 හැවිරිදි වියේ පසුවන ජෝ බයිඩ්න්ට ජනපතිවරණයට නැවත තරග නොකරන ලෙසට ඔහුගේ පක්ෂයේ ජ්‍යෙෂ්ඨ සාමාජිකයින් ප්‍රකාශ කිරීමත් සමග එම පිරිස මගහැරීම සඳහා පසුගිය ජූලි මාසයේ සිට වැඩි නිවාඩු ප්‍රමාණයක් ලබාගෙන ඇති බවට අනාවරණය වු බවට විදෙස් මාධ්‍ය වාර්තා කරනවා.
