31 C
Colombo
Sunday, May 22, 2022

මගේ දුවට තනතුරක් දුන්නම මොකද වෙන්නේ – ප්‍රසන්න

- Advertisement -

ආණ්ඩුවේ තනතුරු ලබාදීමේදී ඒවා ලබාදිය යුත්තේ ආණ්ඩුවට හිතවත් අයට බව සංචාරක අමාත්‍ය ප්‍රසන්න රණතුංග මහතා පවසනවා.

ඕස්ට්‍රේලියාවේ ඇඩිලේඩ්හි පදිංචි ප්‍රසන්න රණතුංග මහතාගේ දියණියක් වන පවිත්‍රා රණතුංග මහත්මිය සිඩ්නි නුවර ශ්‍රී ලංකා කොන්සල් කාර්යාලයේ තුන්වන ලේකම්වරිය ලෙස පත්කිරීමට ගෙන ඇති තීරණය පිළිබදව මාධ්‍යවේදීන් ඇසූ පැනයකට පිළිතුරු ලබාදෙමින් ඔහු මෙම අදහස් පළ කළා.

තමන්ගේ දියණිය වීම හේතුවෙන් ඇයට තනතුරක් ලැබීමට ඇති අයිතිය අහිමි නොවන බව සදහන් කළ අමාත්‍යවරයා ආණ්ඩුවට හිතවත් නොවන අය එම තනතුරුවලට පත්කරනු ලැබූවොත් ආණ්ඩුවට විරුද්ධ මතවාද ගොඩනගන බවද මාධ්‍යවේදීන් හමුවේ සදහන් කළා.

ආයතනවල උසස් නිලධාරීන් පත්කිරීමේදී ඔවුන් පිළිබදව සොයා බලා පත්කිරීම් සිදුකිරීමට ජනාධිපතිවරයා පත්කල කමිටුව මේ වන විට ක්‍රියාත්මක නොවන බවද අමාත්‍යවරයා මෙහිදී පවසා සිටියා.

2015 අප්‍රේල් හා ජූනි මස අතර කාලය තුළදී මීතොටමුල්ල ප්‍රදේශයේ ඉඩමක් අනවසර පදිංචිකරුවන් ඉවත්කර සංවර්ධනය කර නිරවුල් භුක්තිය ලබාදීමට රුපියල් මිලියන 64 ක මුදලක් ඉල්ලා සිටීම ඇතුළු චෝදනා යටතේ නීතිපතිවරයා විසින් ගොනුකර ඇති නඩුවකට සහභාගීවීමට අද (18) කොළඹ මහාධිකරණය වෙත අමාත්‍යවරයා පැමිණි අවස්ථාවේදී මෙම අදහස් පළකළා.

පාර්ලිමේන්තු මන්ත්‍රී ප්‍රසන්න රණතුංග හා ඔහුගේ බිරිය මොරින් රණතුංග විත්තිකරුවන් කරමින් මෙම නඩුව පවරා තිබෙනවා.

RECENT ARTICLES - SINHALA

මම කවදාවත් ජනාධිපතිතුමාව නාවලා නැහැ – ඥාණක්කා

0
තමන් ජනාධිපති ගෝඨාභය රාජපක්ෂ මහතාව කිසිදු දිනෙක නහවා නොමැති බව අනුරාධපුරයේ සුප්‍රසිද්ධ චරිතයක් වන ඥාණක්කා පවසනවා. ඒ සන්ඩේ ටයිම්ස්...

අරුන්දික කිසිදා ගුවන් නියමුවෙක් ලෙස සේවය කර නැහැ – ගුවන් නියමුවන්ගේ සංසදය

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී අරුන්දික ප්‍රනාන්දු මහතා ශ්‍රී ලංකන් ගුවන් සමාගමේ ගුවන් නියමුවෙකු ලෙස සේවය කර නොමැති බව ශ්‍රී ලංකා...

පාදෙණිය දොට්ට, නිතරගෙන්ම නව සභාපතිවරයෙක්

රජයේ වෛද්‍ය නිලධාරීන්ගේ සංගමයේ සභාපති අනුරුද්ධ පාදෙණිය මහතා එම ධූරයෙන් ඉල්ලා අස්වී තිබෙනවා. ඒ එම සංගමයේ සාමාජිකයන්ගේ දැඩි බලපෑම...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...