උගන්ඩාව හා ශ්රී ලංකාව අතර සිදුකෙරුණු ඇතැම් කරුණු පසුගිය කාලය පුරාවට අවස්ථා කිහිපයකදී ප්රශ්න කෙරුණා.
එහි ආසන්නතම කාරණය වූයේ පසුගිය වසරේ දෙසැම්බර් මාසයේ අග්රාමාත්ය මහින්ද රාජපක්ෂ මහතා පෞද්ගලික ජෙට් යානයකින් ඉන්දියාවේ තිරුපති දේවාලය වන්දනා කිරීමට යාමයි.
අධික මිල ගණන් යටතේ කුළී පදනම මත ලබාදෙන මෙම ජෙට් යානය අග්රාමාත්යවරයාව රැගෙන යාම සඳහා රත්මලාන ගුවන්තොටුපල වෙත පැමිණ තිබුණේ උගන්ඩාවේ එන්ටැබේ ගුවන්තොටුපළේ සිටයි.
මේ වන විට උගන්ඩාව මුදල් විශුද්ධිකරණය ඇතුළු මූල්ය අපරාධවලට පියවර නොගන්නා රටක් ලෙසට ලොව පුරා ප්රකට වෙමින් තිබෙනවා.
කාර්මික රටවල් 7 ක් මූල්ය අපරාධ වලක්වා ගැනීම සඳහා පිටුවාගත් Financial Action Task Force හෙවත් FATF සංවිධානය නිවේදනය කළේ උගන්ඩාව අසාදු ලේඛන ගත කිරීමට පියවර ගන්නා බවයි.
පලදායී අයුරින් මුදල් විශුද්ධිකරණය ඇතුළු මූල්ය අපරාධ වැළැක්වීමට පියවර නොගන්නා නිසා මෙම තීරණය ගත් බව එම සංවිධානය නිවේදනය කරනවා.
දැනටමත් යුරෝපා සංගමය මූල්ය පද්ධති හා මූල්ය ආරක්ෂාව සම්බන්ධයෙන් අවධානම් සහගත රටක් ලෙස නම්කර උගන්ඩාව අලු ලැයිස්තුවට ඇතුළත් කර තිබෙනවා.
මූල්ය ගනුදෙනු සම්බන්ධයෙන් මෙතරම් ජාත්යන්තර අප්රසාදයට ලක්ව ඇති රටක් සමඟින් මෙරට පාලක බලය හොබවන පවුලක් සිදුකරන ලද ගණුදෙනු මොනවාදැයි ඔවුන් තවමත් කිසිදු ප්රකාශයක් සිදුකර නැහැ.