‘රතු මල්ලිලාට’ හොරු ඇල්ලීමේ කිසිදු අවශ්‍යතාවයක් නොමැති බවත් තම පක්ෂයේ මතයට පිටින් යන ඕනෑම මන්ත්‍රීවරයෙකු පක්ෂයෙන් ඉවත් කරන බවත් විපක්ෂ නායක සජිත් ප්‍රේමදාස පවසනවා.
ඒ ඊයේ පැවති ජනහමුවක් අමතමින්.
මෙහිදී වැඩිදුරටත් අදහස් දැක්වූ විපක්ෂනායකවරයා,
“සමගි ජනබල බලවේගය බලයට පත්වූ වහාම රාජපක්ෂලා සොරකම් කළ සියලු දේ හෙළි කොට ඔවුන් නීතියේ රැහැනට හසු කරනවා. රජයේ මුදල් සියල්ල නැවත ලබා ගැනීම සඳහා අවශ්‍ය අණපනත් සම්පාදනය කරනවා. මේ රට විනාශ කළේ රාජපක්ෂලා. රතු මල්ලිලාට හොරු ඇල්ලීමේ කිසිදු අවශ්‍යතාවයක් නැහැ.
අපේ ප්‍රාදේශීය සභා නගර සභා මහ නගර සභාවල කිසිදු සභාපතිවරයකුට උප සභාපතිවරයකුට, මන්ත්‍රීවරයකුට කිසිදු කොන්ත්‍රාත් ලබා ගැනීමට ඉඩ දෙන්නේ නැහැ. පක්ෂයේ මතයට පිටින් යන ඕනෑම මන්ත්‍රීවරයකු එයින් ඉවත් කරනවා”
