මහජන නියෝජිතයින්ගෙන් පාලනය විය යුතු පළාත් සභා අද වන විට නිලධාරීන් 9 දෙනෙක්ගේ යටතේ පාලනය වන බව පාර්ලිමේන්තු මන්ත්රී නාමල් රාජපක්ෂ මහතා පවසනවා.
මාධ්ය වෙත අදහස් දක්වමින් ඔහු කියා සිටියේ අද වන විට ප්රාදේශීය සභාවල නිල කාලය අවසන් වීම සමඟ මැතිවරණය පැවැත්වෙන කාලය සම්බන්ධව නිශ්චිත තොරතුරක් නොමැති බවයි.
මේ හේතුවෙන් ප්රාදේශීය සභා පාලනය ද නිලධාරීන් සතු වන බවයි මන්ත්රීවරයා පෙන්වා දෙන්නේ.
පොදුජන පෙරමුණ තුළ මෙම තත්ත්වය සම්බන්ධයෙන් දැඩි කතාබහක් මතුව තිබෙන බවද ඒ මහතා පවසනවා.
වැඩිදුරටත් අදහස් දැක්වූ මන්ත්රීවරයා,
මාධ්යවේදියා – දැන් අප්රේල් 25 මැතිවරණය පැවැත්වෙනවද?
අප්රේල් 25 මැතිවරණය පැවැත්වීම සම්බන්ධයෙන් මැතිවරණ කොමිසමෙන් තමයි අහන්න වෙන්නේ. අපි පක්ෂයක විදියට මැතිවරණයට සුදානම්.
මාධ්යවේදියා – හැබැයි අනිත් අය චෝදනා කරන්නේ රනිල් රාජපක්ෂ ආණ්ඩුව මැතිවරණය තියන්නේ නෑ කියලා?
ඔය රනිල් රාජපක්ෂ කියන කාරණය අද ඊයේ කියපු දෙයක් නෙමෙයි නේ. 2005 ත් කිව්වා 2010ත් කිව්වා 2015ත් කිව්වා රනිල් රාජපක්ෂ කියලා කිව්වා. ඒ රනිල් වික්රමසිංහ මහතා මොන පවක් කරලද මම දන්නේ නෑ, අපි මොන පිනක් කරලද පවක් කරලද කියලා දන්නේ නෑ, හැබැයි හැමදාම රනිල් වික්රමසිංහ මහතාට රාජපක්ෂ කියන නම ගැට ගැහිලා තියෙනවා.