ලංකා ඉන්දියානු ඔයිල් සමාගම පැට්රල් හා ඩීසල් මිල ඉහළ දැමීමට කටයුතු කළද ලංකා ඛනිජ තෙල් සංස්ථාවේ ඉන්ධන මිල ඉහළ දැමීමට කටයුතු නොකරන බවට බලශක්ති අමාත්ය උදය ගම්මන්පිල මහතා පවසනවා.
අමාත්යවරයා පෙන්වා දෙන්නේ මේ වන විට ලංකා ඛනිජ තෙල් සංස්ථාව අලෙවි කරන ඩීසල් ලීටරයකින් රුපියල් 38 ක් හා පෙට්රල් ලීටරයකින් රුපියල් 22 ක පාඩුවක් ලබන බවයි.
විපක්ෂය හා විපක්ෂය විසින් මෙහෙයවන වෘත්තීය සමිති තෙල් හිඟයක් පිළිබදව මවාපෑවද තමන් හති වැටෙන තෙක් තෙල් හිඟයක් නොමැති බවට රටට ප්රකාශ කර ඇති බව උදය ගම්මන්පිල මහතා සදහන් කරනවා.
මේ වන විටත් ඉන්දියාව සමග ඩොලර් මිලියන 500 ක ණය පහසුකමක් යටතේ ඉන්ධන ලබාගැනීමටද බලාපොරොත්තුවන බවද අමාත්යවරයා වැඩිදුරටත් සදහන් කරනවා.