31 C
Colombo
Saturday, June 25, 2022

තාප්පවල චිත්‍ර ඇඳපු තරුණයෝ කෝ? – අගමැති හැඟුම්බර වෙයි

- Advertisement -

ආණ්ඩු බලයෙන් කළ නොහැකි බොහෝ දෑ ඇති බව අග්‍රාමාත්‍ය මහින්ද රාජපක්ෂ මහතා පවසනවා.

ගුරු-ගොවි උද්ගෝෂණද දුරදිග යාමට හේතුව වූයේ රජය දේශපාලනයෙන් ඈත්වීම නිසා බවයි ඔහු පවසන්නේ.

ඒ, කොළඹ නෙළුම් පොකුණ රඟහලේ දී අද (02) දින පැවති ශ්‍රී ලංකා පොදුජන පෙරමුණේ 5 වැනි ජාතික මහා සම්මේලනය අමතමින්.

ජනතාවගේ හඬට ඇහුම්හන් දිව යුතු බවත් දේශපාලනයෙන් ඈත් වීමෙන් සිදුවන්නේ පරාජය කළ බලවේගයන් පටු වාසි ගැනීමට ජනතාව උසි ගැන්වීම බවයි ඔහු පෙන්වා දෙන්නේ.

මෙහිදී වැඩිදුර අදහස් දැක්වූ ඒ මහතා.

“මිත්‍රවරුණි, තේරුම්ගන්න අපිට ඡන්දය දුන්න ජනතාව දැන් ඉන්නේ ඉතාම අපහසුතාවයක. මේ වගේ කාල වලට මුහුණ දීලා අපිට නම් පුරුදුයි. මේ වගේ කාල වලදී නොකළ වැරදි වලටත් ජනතාව බණින්නේ ආණ්ඩුවට.

රට වෙනුවෙන් ලෝකයේ දරුණුම ත්‍රස්තවාදයට එරෙහිව සටන් කරපු අපි ගැන මතුවටත් ඒ විශ්වාසය තියන්න පුළුවන් බව මම කියන්න කැමතියි.

මට මතකයි අපි ජයග්‍රහණය කළ මුල් දිනවල මේ රටේ තරුණයෝ මුලු රටේම තාප්ප වල චිත්‍ර ඇන්දා. අතේ වියදමින් තීන්ත අරගෙන, කාණුවල බැහැගෙන තාප්පවල මහ රෑ චිත්‍ර ඇන්ද බව ඔබ දකින්න ඇති. ඒ අය රටට ආදරය කරන නන්නාදුනන තරුණයෝ. මිත්‍රවරුණි, ඒ චිත්‍ර ඇන්ද තරුණයෝ අද කොහෙද කියලා අපි දන්නේ නෑ. ඔවුන් එහෙම තාප්ප වල චිත්‍ර ඇඳලා කිව්වේ මෙතෙක් කළ දේශපාලනයෙන් රට කැත කරන්න එපා කියලා. අපි ඒ පණිවිඩය තේරුම් ගන්න ඕනෙ. අද රට හැරයන්න පාස්පෝට් ගන්න පෝළිමේ ඒ තරුණයෝ ඉන්නවද කියලා හොයලා බලන්න ඕනෙ. ඔවුන්ව ආයෙ මේ රටට කැඳවන්න පුළුවන් දේශපාලනයක් කරන්න ඕනෙ. ඒක තමයි අපේ පක්ශය කළ යුතු දේශපාලනය”

පක්ෂයේ සංවත්සර උත්සවය ආරම්භ වූයේ, ශ්‍රී ලංකා පොදු ජන පෙරමුනේ නිර්මාතෘ මුදල් අමාත්‍ය බැසිල් රාජපක්ෂ මහතාගේ පැමිණිමත් සමගයි.

මහජන මන්ත්‍රණ සභාවක් පිහිටුවමින් LNG ගනුදෙනුවට එරෙහිව කටයුතු කරන නිදහස් පක්ෂය ඇතුළු ආණ්ඩුවේ හවුල්කාර පක්ෂ 11 නායකයෝ හා සාමාජිකයෝ ද මීට එකව සිටියහ.

ශ්‍රී ලංකා පොදුජන පෙරමුණේ ජාතික සංවිධායක මුදල් අමාත්‍ය බැසිල් රාජපක්ෂ මහතා, පක්ෂ නායක අග්‍රාමාත්‍ය මහින්ද රාජපක්ෂ මහතා ද සම්මේලනය ඇමතූ අතර ජනාධිපතිවරයාගේ වීඩියෝ පණිවිඩයක්ද මෙහිදී ප්‍රදර්ශනය කෙරිණ.

RECENT ARTICLES - SINHALA

මාධ්‍ය ක්‍රියාකාරිකයන්ට පොලිසිය කරන බලපෑම් සම්බන්ධව මාධ්‍ය නීති සංසදයෙන් පොලිස්පතිට ලිපියක්

ශ්‍රී ලංකා පොලිසිය විසින් සමාජ සහ නව මාධ්‍ය ඔස්සේ භාෂණයේ සහ ප්‍රකාශනයේ නිදහස ක්‍රියාවට නංවමින් සිය කටයුතු පවත්වාගෙන යන මාධ්‍ය ක්‍රියාකාරිකයන් හේතු...

වඳුරු උණ: ලෝකය බියපත් කළ අලුත් වසංගතය..!

රටවල් 58කින් තහවුරු වූ වඳුරු උණ රෝගීන් 3,417 ක් වාර්තා වීමත් සමඟ, ලෝක සෞඛ්‍ය ජාලය (WHN) වඳුරු ෞණ තත්වය වසංගතයක් ලෙස ප්‍රකාශයට...

ඉන්දියාවෙන් මෙරටට බිලියන 3ක තවත් මානුෂීය ආධාර තොගයක්..!

ඉන්දීය ජනතාවගෙන් ශ්‍රී ලාංකික ජනතාව වෙත ලැබුණු ආධාර තොගයක් ඉන්දීය මහ කොමසාරිස්වරයා, අමාත්‍ය කෙහෙළිය රඹුක්වැල්ල මහතා, පාර්ලිමේන්තු මන්ත්‍රීවරුන් සහ නිලධාරින් විසින් ඊයේ...

RECENT ARTICLES - ENGLISH

Requests for assistance to develop dairy industry

0
A bilateral meeting took place between Minister of Foreign Affairs Prof. G.L. Peiris and Minister for Foreign Affairs and Local Government of...

35 people detained for illegal migration attempt to Australia

0
Sri Lanka Navy apprehended a local multiday fishing trawler with 35 individuals, suspected to be on an illegal migration attempt to Australia...

Public sector to work in Private sector?

0
Sri Lanka has appointed a seven member committee to explore the possibility of granting 5 years leave to Government employees to work...