කොවිඩ් 19 ව්‍යාප්තිය පාලනය කිරීම සඳහා මේ වන විට දිවයින පුරා පනවා ඇති සංචරණ සීමාවන් 28 වනදා දක්වා බලපැවැත්වෙන බවට රජය නිවේදනය කරනවා.
මීට පෙර අදාළ සංචරණ සීමාවන් 25 වනදා අළුයම 4 ට ඉවත්කොට රාත්‍රි 11 ට යළි පැනවීමට නියමිතව තිබුණද එය ඉවත් නොකිරීමට රජය තීරණය කර තිබෙනවා.
ඒ අනුව සංචරණ සීමාවන් 28 වනදා දක්වා අඛණ්ඩව බලපැවැත්වෙනු ඇති.
එම සංචරණ සීමා අත්‍යවශ්‍ය සේවා සඳහා වලංගු නොවන බවද කොවිඩ් 19 ව්‍යාප්තිය පාලනය කිරීමේ ජනාධිපති කාර්ය සාධක බලකාය සඳහන් කරනවා.
කෙසේ වෙතත් මැයි 25 සහ 28 යන දිනවලදී එක් නිවසකින් එක් අයෙකුට පමණක් ඖෂධ සහ අත්‍යවශ්‍ය ආහාර ද්‍රව්‍ය මිළදි ගැනීම සඳහා ළඟම වෙළෙඳසැලට යාමට අවසර ලබාදී තිබෙනවා.
