තලේබාන් සංවිධානය විසින් පාලනය අත්පත් කරගැනීමෙන් පසු කාන්තාවන් සහ ගැහැණු ළමයින් සඳහා වඩාත්ම මර්දනකාරී රට බවට ඇෆ්ගනිස්තානය පත්ව ඇතැයි එක්සත් ජාතීන්ගේ සංවිධානය පවසයි.
එක්සත් ජාතීන්ගේ දූත මණ්ඩලය ජාත්යන්තර කාන්තා දිනය වෙනුවෙන් ප්රකාශයක් නිකුත් කළ අතර, එහි සඳහන් ආකාරයට ඇෆ්ගන් කාන්තාවන්ට ඔවුන්ගේ මූලික අයිතිවාසිකම් පවා අහිමි වී ඇත.
නිල ප්රකාශයක් නිකුත් කරමින් එක්සත් ජාතීන්ගේ දූත මණ්ඩලය පවසා ඇත්තේ, නව තලේබාන් නායකයන් බොහෝ කාන්තාවන් සහ ගැහැණු ළමයින් තම නිවෙස්වලට කොටු කරවන නීති පැනවීම කෙරෙහි අවධානයක් යොමු කර ඇති බවයි.
එක්සත් ජාතීන්ගේ විශේෂ නියෝජිත සහ ඇෆ්ගනිස්ථානයේ එක්සත් ජාතීන්ගේ සහාය මෙහෙයුමේ ප්රධානී, Roza Isakovna Otunbayeva, ඇෆ්ගන් කාන්තාවන්ගේ අයිතිවාසිකම් තවදුරටත් ඛාදනය කර ඇති මෑත කාලීන තලේබාන් නියෝග දැඩි ලෙස හෙළාදැක තිබේ.
තලේබාන් සංවිධානය ඇෆ්ගන් කාන්තාවන්ට ද්විතීයික සහ විශ්ව විද්යාල අධ්යාපනය, ජාතික හා ජාත්යන්තර රාජ්ය නොවන සංවිධානවල සේවය කිරීම ඇතුළු විවිධ දේ තහනම් කර ඇති අතර කාන්තාවන්ට හිස සිට දෙපතුල දක්වා ආවරණය කිරීමට ද නියෝග කර ඇත.