ලෝක සෞඛ්‍ය සංවිධානය විසින් කොවිඩ් 19 වෛරසයේ ප්‍රභවය සම්බන්ධයෙන් සිදුකරන පරීක්ෂණ පිළිබද නිසි සහය ලබා නොදීම සම්බන්ධයෙන් ඇමරිකාව සිය දැඩි කණස්සල්ල පළ කර තිබේ.
ධවල මන්දිර මාධ්‍ය ලේකම් ජෙන් පැස්කි මාධ්‍ය අමතමින් සදහන් කර ඇත්තේ චීනය ලෝක සෞඛ්‍ය සංවිධානයේ පරීක්ෂණ සදහා අවශ්‍ය සහය ලබානොදීම වගකීම් විරහිත සහ භයානක ක්‍රියාවක් බවයි.
යළිත් මෙවැනි වසංගත තත්වයක් ඇතිවීම වළක්වා ගැනීම සදහා ලෝකයේ සියලු රටවල් වගකීමෙන් කටයුතු කළ යුතු බවත්, චීනයේ මෙම ක්‍රියාව එම වගකීම පැහැර හැරීමක් බවත් ඇය වැඩිදුරටත් සදහන් කර තිබේ.
ලෝක සෞඛ්‍ය සංවිධානය විසින් මේ මස මුල ප්‍රකාශ කර තිබුණේ කොවිඩ් 19 වෛරසයේ ප්‍රභවය සම්බන්ධයෙන් වන පරීක්ෂණවල දෙවන අදියර සදහා වූහාන් වෙළෙදපල සහ මූලිකව හදුනාගත් ආසාදිතයන්ගේ දත්ත අවශ්‍යව ඇති බවයි.
එහෙත් චීනය ඒ සදහා යහපත් ප්‍රතිචාරයක් දක්වා නොමැති අතර එම දත්ත ලබාදීම ප්‍රතික්ෂේප කර තිබේ.
කොවිඩ් 19 වෛරසයේ ප්‍රභවය පිළිබදව තවමත් අවසන් නිගමනයකට පැමිණ නැති අතර එය සතුන් හරහා මිනිස්සුන්ට සම්ප්‍රේෂණය වූ බවට වන මතයට අමතරව චීනයේ විද්‍යාගාරයකින් නිකුත් වූවක් බවට වන මතයක් ද පවතී.
