චීන විරෝධී පාලක ප්‍රජාතාන්ත්‍රික ප්‍රගතිශීලී පක්ෂය නියෝජනය කරමින් මෙවර මැතිවරණයට ඉදිරිපත්වූ ලායි චින්ග් ටේ (Lai Ching-te) 40% කට වැඩි ඡන්ද ප්‍රතිශතයක් ලබා ගෙන තායිවාන ජනාධිපතිවරණය ජයග්‍රහණය කර තිබෙනවා.
ඔහු මිලියන 5කට අධික ඡන්ද ප්‍රමාණයක් දිනා ඇති අතර ඡන්ද මිලියන 5 සීමාව පසු කළ පළමු තායිවාන ජනාධිපතිවරයා ලෙස ඔහු වාර්තා අතරට එක් වෙනවා.
විදෙස් මාධ්‍ය පෙන්වා දෙන්නේ ලායි චින්ග් ටේ චීනයට වඩා අමෙරිකාව සමඟ සමීප සබඳතා පැවැත්වීමට කැමැත්තක් දක්වන නායකයෙකු ලෙස ප්‍රකටව ඇති බවයි.
ජනාධිපතිවරණය ජයග්‍රහණය කිරීමෙන් අනතුරුව පැවැත්වූ කතාවකදී ප්‍රජාතන්ත්‍රවාදයේ නව යුගයක් ආරම්භ කිරීම සඳහා දායක වීම සම්බන්ධයෙන් ලායි චින්ග් තායිවාන ජනතාවට ස්තූතිය පුද කර තිබෙනවා.
එමෙන්ම, මැතිවරණයට එල්ල වුණු බාහිර බලවේගවලට තායිවාන ජනතාව සාර්ථකව මුහුණ දීමට සමත් වූ බවද ඔහු එම කතාවේදී අවධාරණය කර තිබුණා.
කෙසේවෙතත්, චීනය විසින් ලායි චින්ග් ටේ දරුණු බෙදුම්වාදියෙකු වශයෙන් සැලකීම නිසා ඔහුට මේ වසරේදී නව ජනාධිපතිවරයා ලෙස දුෂ්කර සමයකට මුහුණ දීමට සිදු වනු ඇති බව විදෙස් මාධ්‍ය පෙන්වා දෙනවා.
