පාර්ලිමේන්තු වටරවුම අසළ ඊයේ (08) පැවති විරෝධතාවයේදී පොලීසිය වෙත රෝසමලක් දුන් තරුණිය පිළිබදව සමාජ මාධ්‍ය තුළ මේ වන විට දැඩි කතාබහක් ඇතිව තිබෙනවා.
පාර්ලිමේන්තු ප්‍රවේශ මාර්ගයේ ඊයේ පැවති විරෝධතාවය පාර්ලිමේන්තුව දෙසට පැමිණීම වැළෑක්වීම සදහා පොලීසිය විසින් මාර්ග බාධක යොදා අවහිර කර තිබුණා.
කෙසේවෙත් එම මාර්ග බාධක අසළටම ගිය තරුණියක් මාර්ග බාධකවලට ඉහළින් පොලිස් නිලධාරීන් වෙත රෝස මලක් ලබාදී කියාසිටියේ “අපි වගේ නංගිලා හරි, සහෝදර සහෝදරියෝ ඇතිනේ, ඉතිං මේක ගන්න” ලෙසයි.
අරගල භූමියකදී බැටන් පොලු කඳුගෑස් පරදමින් ආදර රැගෙන ගිය මෙම තරුණිය නමින් කසුන්සලා ගිම්හානි වෙනවා.
ඇය රාගම වෛද්‍ය පීඨයේ වෛද්‍ය සිසුවියක් ලෙස අධ්‍යාපනය හදාරමින් සිටිනවා.
කසුන්සලාගේ මෙම ක්‍රියාව විශ්ව විද්‍යාල සිසුන් අතර දැඩි ප්‍රසාදයට ලක්ව ඇති අතර මේ හේතුවෙන් ඇයව ජාත්‍යන්තර ප්‍රවෘත්ති නාලිකාවලද අවධානයට ලක්ව තිබෙනවා.
