භීෂණ සමයේ ඝාතනය වූ සියලු දෙනා වෙනුවෙන් පරික්ෂණයක් සිදුකළ යුතු බව එක්සත් ජාතික පක්ෂයේ මහ ලේකම් තලතා අතුකෝරළ පවසනවා.
අද (18) මාධ්‍ය හමුවට එක්වෙමින් ඇය කියා සිටියේ, ඒ අනුව බටලන්ද ගැන කතා කරනවා නම්, මුලින්ම කොමිසම හමුවට කැඳවිය යුත්තේ කේ.ඩී. ලාල්කාන්ත අමාත්‍යවරයා බවයි.
ඔවුන්ට විරුද්ධව සාක්ෂි ලබාදුන්නේ නම්, ස්වාමීන් වහන්සේලා හා ග්‍රාම නිලධාරීන් ඝාතනය කළ බවට අමාත්‍යවරයා විසින් මැතිවරණයට පෙර ප්‍රසිද්ධ ප්‍රකාශයක් කර ඇති බවද ඇය පවසනවා.
තලතා අතුකෝරළ මහත්මිය වැඩිදුරටත් කියා සිටියේ, හිටපු ජනාධිපති රනිල් වික්‍රමසිංහ අද පාර්ලිමේන්තුවේ හෝ ක්‍රියාකාරී දේශපාලනයේ නොමැති බවත්, එක තනි පුද්ගලයෙකුට මෙතරම් බියවීමට හේතුව ගැටලු සහගත බවයි.
