ළමා ලිංගික අපයෝජන වැරදි 18 ක් සහ දූෂණ චෝදනා දෙකක් සම්බන්ධයෙන් චෝදනා ලැබ සිටින ප්රාථමික පාසල් ගුරුවරියක් අධිකරණයට ඉදිරිපත් වූ පුවතක් බ්රිතාන්යයෙන් වාර්තා වෙනවා.
හින්ඩ්ලි හි ඇන්ක්රොෆ්ට් ඩ්රයිව් හි 44 හැවිරිදි ජුලී මොරිස් බන්ධනාගාරයේ සිට වීඩියෝ සබැඳියක් ඔස්සේ ලිවර්පූල් ක්රවුන් උසාවියේ පෙනී සිටි හඩාවැටී කරුණු දක්වා තිබෙනවා.
ඇය විගන් හි ප්රාථමික පාසලක සේවය කළ නමුත් මෙම ලිංගික අපයෝජන චෝදනා ඇගේ රැකියාවට සම්බන්ධ නොමැති බවයි පැවසෙන්නේ.
ඇයගේ සම විත්තිකරු වන 52 හැවිරිදි ඩේවිඩ් මොරිස් වැරදි 34 ක් උසාවිය හමුවේ පිළිගෙන තිබෙනවා.
දූෂණ සිදුවීම් දෙකක්, අවුරුදු 13ට අඩු දරුවෙකු ලිංගික ක්රියාකාරකම්වල යෙදීම හෝ පොළඹවාලීමේ චෝදනා 9ක්, දරුවෙකුගේ අශෝභන ඡායාරූපයක් ගැනීම සම්බන්ධයෙන් චෝදනා තුනක් සහ දරුවෙකුගේ අශෝභන ඡායාරූප ළඟ තබාගැනීම සම්බන්ධයෙන් ගුරුවරිය වෙත චෝදනා එල්ල වී තිබෙනවා.
එමෙන්ම ළමයෙකු සමඟ ලිංගික සන්නිවේදනයේ යෙදීමේ එක් චෝදනාවක් සහ දරුවෙකු ඉදිරියේ ලිංගික ක්රියාකාරකම්වල යෙදීමේ චෝදනා දෙකක් ද ඇයට එල්ල වූ චෝදනා අතරට ඇතුළත් වෙනවා.