YouTube අවකාශය තුළ ලොව පුරා ඉමහත් ජනාදරයක් හිමිකරගෙන සිටින Wild Cookbook යූටියුබ් නාලිකාව මෙහෙයවන චරිත් එන්. සිල්වා The Arts (ART & STYLE, FOOD & DRINK) අංශයෙන් 2025 Forbes 30 Under 30 ආසියා ලැයිස්තුවට ඇතුළත් වෙනවා.
Forbes 30 Under 30 යනු ආසියානු කලාපයේ ව්‍යාපාරය, තාක්ෂණය, කලා, සංගීතය, ක්‍රීඩා, මාධ්‍ය යන විවිධ ක්ෂේත්‍රවල සාර්ථකත්වය හා සුවිශේෂී දායකත්වයක් දැක්වූ වයස අවුරුදු 30 ට අඩු පුද්ගලයන් 30 දෙනෙක් ඇතුළත් කර සාදන ලද ලැයිස්තුවකි.
ශ්‍රී ලාංකික සූපවේදියෙකු වන චරිත් එන්. සිල්වාගේ යූටියුබ් නාලිකාව වන ‘Wild Cookbook’ පසුගිය මාර්තු මාසයේදී සිය ග්‍රාහකයින් මිලියන 10 පසුකර ගියා.
ඒ අනුව, මිලියන 10ක ග්‍රාහකයින් සංඛ්‍යාවක් ඉක්මවා ගිය පළමු ශ්‍රී ලාංකික නාලිකාවේ හිමිකරුවා බවට ඔහු පත්වුණා.
එමෙන්ම ශ්‍රී ලංකාවේ ප්‍රථම Diamond Play Button එක හිමිකරගැනීමට ඔහුට හැකිවුණා.
පසුගිය වසරේදී චරිත් සිය යූ ටියුබර් කියන භූමිකාවෙන් ඔබ්බට ගොස් “වයිල්ඩිෂ්” නමින් කොළඹ සුපිරි අවන්හලක්ද විවෘත කරනු ලැබුවා.
