ජනාධිපතිවරණයට තරග කිරීමෙන් තමා ඉවත්වන බව ට්විටර් පණිවුඩයක් නිකුත් කරමින් සමගි ජන බලවේගයේ, නායක සජිත් ප්රේමදාස අද පෙරවරුවේ පවසා සිටියා.
මීට පෙර ජාතික ජනබලවේගයේ නායක අනුර කුමාර දිසානායක ද සිය අපේක්ෂකත්වය ඉල්ලා අස් කරගැනීමට සූදානම් වූ නමුත් ඉල්ලා අස්කර නොගත් බැවින් මේ වන විට ජනාධිපතිවරයෙකු තෝරාගැනීමේ සටනේ ඉතිරිව ඇත්තේ අනුර කුමාර දිසානායක, ශ්රී ලංකා පොදුජන පෙරමුණ නියෝජනය කරන ඩලස් අලහප්පෙරුම සහ ශ්රී ලංකා පොදුජන පෙරමුණේ කොටසක සහය සහිතව එක්සත් ජාතික පක්ෂය නියෝජනය කරන එහි නායක රනිල් වික්රමසිංහ පමණයි.
කෙසේනමුත්, සිය සහය ඩලස් අලහප්පෙරුම හට ලබා දෙන බව පාර්ලිමේන්තු ආසන 50ක් හිමි සමගි ජනබලවේගයේ නායක සජිත් ප්රේමදාස ප්රකාශ කිරීමත් සමඟ ජනපති සටන ගෙන ඇත්තේ උණුසුම් මුහුණුවරක්.
මේ අතර, ජනාධිපතිවරයා තෝරාගැනීමේදී ශ්රී ලංකා නිදහස් පක්ෂය අනිවාර්යයෙන්ම ඡන්දය පල කරන බව එහි මහලේකම් දයාසිරි ජයසේකර පවසනවා.
ඩලස්, සජිත් සහ අනුර යන තිදෙනා සාකච්ඡා කොට සහයෝගීතාවයකට පැමිණියහොත් එක් අයෙකුට ජනාධිපති අපේක්ෂකත්වයත්, තවකෙකුට අග්රාමාත්ය ධුරයත් බෙදාගත හැකිවනු ඇති බවයි ඔහු පෙන්වා දෙන්නේ.
ඒ අයුරින් බලන කල ඡන්ද 50කින් ඩලස් අලහප්පෙරුම ජනාධිපතිවරයා වුවහොත් ඔහුට හට සහය ලබා දෙන සමගි ජනබලවේගයේ නායක සජිත් ප්රේමදාස හට අග්රාමාත්ය ධුරය හිමිවීමට විශාල ඉඩකඩක් ඇති බව විශේෂඥයන් පවසනවා.