නිරෝධායන ඇඳිරිනීතිය දීර්ඝ කරන්නේද නැද්ද යන්න පිළිබඳ තීරණය ලබන අද දින ප්‍රකාශයට පත් කරනු ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසයි.
මේ සම්බන්ධයෙන් අද (27) පැවැත්වීමට නියමිත කොරෝනා මර්දන ජනාධිපති කාර්ය සාධක බලකායේදී මේ සම්බන්ධයෙන් තීරණයක් ගනු ඇති බවයි පැවසෙන්නේ.
දැනට පවතින නිරෝධායන ඇඳිරිනීතිය ලබන 30 වනදා අලුයම 04.00 තෙක් බලපැවැත්වේ.
කෙසේ වෙතත් නිරෝධායන ඇඳිරි නීතිය නොතකමින් කොළඹ සහ තදාසන්න ප්‍රදේශ වල පැවතියේ දැඩි රථවාහන තදබදයක්.
