වර්ජනය නතර කිරීමට වෘත්තීය සංගම් නියෝජිතයින් එකඟ වූ බව අග්‍රාමාත්‍ය මාධ්‍ය ලේකම් රොහාන් වැලිවිට මහතා පවසනවා.
අග්‍රාමාත්‍ය මහින්ද රාජපක්ෂ මහතා සමග අද (12) දහවල් අරලියගහ මන්දිරයේදී සාකච්ඡාවක් පැවති අතර ගුරු – විදුහල්පති වෘත්තීය සමිති ක්‍රියාමාර්ගය අවසන් කිරීම සඳහා රජය ලබාදෙන විසඳුම පිළිබඳව එහිදී වෘත්තිය සමිති නියෝජිතයින් දැනුවත් කෙරිණ.
කෙසේ නමුත්, රජය ලබාදෙන විසඳුම පිළිගන්නේ ද යන්න පිළිබඳව වෘත්තීය සමිති නියෝජිතයින් හෙට දිනයේ රැස් වී සාකච්ඡා කර එකඟතාවකට එළැඹෙන බවයි ගුරු වෘත්තීය සමිති පවසන්නේ.
වර්ජනය දැනට අවසන් කර නොමැති බවත් ගුරු – විදුහල්පති සන්ධානය හෙට දිනයේ රැස්වී විධිමත්ව මේ සම්බන්ධයෙන් පැහැදිලි කරන බවත් ලංකා ගුරු සංගමයේ ප්‍රධාන ලේකම් ජෝසෆ් ස්ටාලිං මහතා පවසනවා.
