අධ්යාපන අයිතිය සහ ආර්ථික ගැටලුවලට විසදුම් ඉල්ලා ඇෆ්ගනිස්තානයේ කාබුල් අගනුවරදී කාන්තාවන් පිරිසක් උද්ඝෝෂණයක නිරතව තිබෙනවා.
විදෙස් වාර්තා සදහන් කළේ කාබුල් නගරයේ විදේශ අමාත්යාංශය ගොඩනැගිල්ල ඉදිරිපිට දී මෙම විරෝධතාවය පැවති බවයි.
මෙම විරෝධතාවය වාර්තා කිරීමට කටයුතු කළ මාධ්යවේදීන්ට ද තලේබාන් සාමාජිකයන් විසින් පහර දී ඇති බව සදහන්.
උද්ඝෝෂණයේ නිරත වූ කාන්තාවන් බලහත්කාරයෙන් වෙනත් විදීයකට යොමු කිරීමට කටයුතු කළ තලේබාන් සාමාජිකයන් එම සිදුවීම සේයාරෑ සහ වීඩියෝ ගතකළ සියල්ලන්ට පහරදුන් බව විදෙස් වාර්තා සදහන් කළා.
තලේබාන් සංවිධානය ඇෆ්ගනිස්තානයේ බලය අල්ලාගැනීමෙන් පසු කාන්තාවන්ට අධ්යාපනය ලැබීමට ඇති අයිතිය මෙන්ම රැකියා කිරීමට ඇති අයිතිය අහිමි කරනු ලැබ ඇති අතර ඊට එරෙහිව වරින් වර කාන්තා උද්ඝෝෂණ සිදුකෙරෙනවා.