කොළඹ වරායේ බටහිර පර්යන්තය විදේශ සමාගම්වලට ලබානොදෙන්නැයි ඉල්ලමින් සමස්ත ලංකා වරාය පොදු සේවක සමිතිය ජනාධිපතිවරයාට ලිපියක් යොමු කර ඇත.
බටහිර පර්යන්තය යනු නැගෙනහිර පර්යන්තය මෙන්ම ජාතික ආර්ථිකයට වැදගත් මර්මස්ථානයක් යැයි ද එකිනෙකාට ප්රතිවිරුද්ධ රටවල් දෙකක ගොදුරුබිමක් බවට රට පත් නොකොට මෙම ප්රශ්නය විසඳන්නැයි සිය ලිපිය මගින් සමස්ත ලංකා වරාය පොදු සේවක සමිතිය ජනාධිපතිවරයාගෙන් ඉල්ලා සිටී.
2021.01.21 අමාත්ය මණ්ඩල පත්රිකාවේ දත්ත වැරැදි බවත් සී.අයි.සී.ටී සමාගම කොළඹ වරාය මෙහෙයවන මුළු බහාලු ප්රමාණයෙන් 41%ක් මෙහෙයවා ඊට අදාළ ලාභයෙන් 85%ක් චීනයට රැගෙන යන තත්ත්වයක් නිර්මාණය වී ඇතැයි ද එම ලිපියේ කරුණු සඳහන් වේ.
කොළඹ වරායේ බටහිර පර්යන්තයේ සංවර්ධන කටයුතු සඳහා ඉන්දීය හා ජපාන නියෝජිතයන සම්බන්ධ කරගැනීමට අදාළ දැනුම්දීම අද (17) සිදුකෙරෙන බව වරාය අමාත්යාංශයේ ලේකම් යූ.ඩී.සී ජයලාල් මහතා පවසයි.
ඉන්දියාවේ හා ජපානයේ තානාපති කාර්යාලවලට මෙම දැනුම්දීම සිදුකිරීමට නියමිතය.
ඒ අනුව බටහිර පර්යන්තයෙන් 85%ක් ඉන්දියාවට හා ජපානයට හිමිවන අතර ශ්රී ලංකා වරාය අධිකාරියට 15% ක් හිමිවීමට නියමිතය.