ලිංගික අතවර ගැන හෙළිකළ චීන ටෙනිස් ක්‍රීඩිකා ෆෙන්ග් ෂූයිගේ ආරක්ෂාව සම්බන්ධයෙන් සිය අවධානය යොමු කර ඇති බව ජාත්‍යන්තර කාන්තා ටෙනිස් සම්මේලනය පවසයි.
චීනයේ හිටපු උප අගමැතිවරයෙකු වන ෂැන්ග් ගාඕලී තමන්ට ලිංගික අතවර කළ බවට පෙන්ග් ෂූයි පසුගියදා අනාවරණයක් සිදුකළාය.
ඉන්පසු ඇය මහජන අවකාශය තුළ දැකගත නොහැකි වී ඇති බවත් ඇයට සිදුවූ දේ සම්බන්ධයෙන් බරපතල ගැටලුවක් ඇති බවත් විදෙස් මාධ්‍ය වාර්තා කරයි.
අන්තර්ජාතික කාන්තා ටෙනිස් සම්මේලනය සදහන් කරන්නේ මෙම තත්වය තුළ ඇය සෘජුව සම්බන්ධ කර ගැනීමට තමන් උත්සහ කළත් එය අසාර්ථක වූ බවයි.
මේ හේතුවෙන් ඇගේ ආරක්ෂාව සම්බන්ධයෙන් තමන් පුලුල් අවධානයක් යොමුකර ඇති බවද එම සම්මේලනය වැඩිදුරටත් සදහන් කර තිබේ.
