අනතුරට පත්වී ගිනි ගැනීමට ලක්වූ “එක්ස්ප්‍රස් පර්ල්” නෞකාව ගිලියාමේ අවදානමක් මේ වන විට මතුව තිබෙනවා.
නාවික හමුදාව පවසන්නේ ඊයේ (01) දිනයේ සිට ජලය කාන්දුවීම හේතුවෙන් නෞකාව මේ වන විට සියයට 50ක ප්‍රමාණයක් මුහුදේ ගිලී ඇති බවයි.
කෙසේ වෙතත් ජනාධිපති ගෝඨාභය රාජපක්ෂ මහතා ඊයේ බලධාරීන්ට උපදෙස් ලබාදී තිබුණේ “එක්ස්ප්‍රස් පර්ල්” නෞකාව ගැඹුරු මුහුදට රැගෙන යන ලෙසයි.
ඒ අනුව අදාළ ගැලවුම්කාර සමාගමට පහසුකම් සැලසීම සඳහා නාවික හමුදාවේ විශේෂ කණ්ඩායමක් ද අද (02) පෙරවරුවේ නෞකාවට ඇතුළු වු බව නාවික හමුදාව පවසනවා.
ගැලවුම්කාර සමාගමේ ටග් යාත්‍රා මඟින් නෞකාව ගැඹුර මුහුදට රැගෙන යාමේ කටයුතු ආරම්භ කර තිබුනද නෞකාව ගිලෙමින් පැවතීම හේතුවෙන් මේ වන විට එය ගැඹුර මුහුදට රැගෙන යාමේ කටයුතුවලට බාධා එල්ල වී ඇති බවයි වාර්තාවන්නෙ.
වීඩියෝ දර්ශන පහතින්,
