යුක්‍රේනයෙන් මෙරටට අවස්ථා තුනකදී පැමිණි සංචාරකයින් පිරිසක් මේ වන විට දිවයිනේ ස්ථාන කිහිපයක සංචාරය කරමින් සිටිනවා.
ඒ අතර ඊයේ (02) දිනයේ ඉන් එක් සංචාරකයින් පිරිසක් දිවයිනට පැමිණ දින 5 ක් වැනි කාලයක් තුළ නිරෝධායනයද නොවෙමින් යාල වනෝද්‍යානය තුළ සංචාරය කර තිබුණා.
සංචාරක සංවර්ධන අධිකාරිය පවසා තිබුණේ අදාල සංචාරකයින් සමාජය සමඟ ගැටීමක් සිදු නොවන බැවින් ඔවුන් දින 14 ක් නිරෝධායනය වීම අත්‍යාවශ්‍ය නොවන බවයි.
කෙසේ වෙතත් යාල සංචාරයෙන් පසුව අදාල සංචාරකයින් රැගෙන ගිය සෆාරි ජීප් රථ රියදුරන් 27 දෙනෙකු හට දින 14 ක් නිරෝධායනයට යොමු කර තිබෙනවා.
මේ හේතුවෙන් සෆාරි ජීප්රථ රියදුරන් දැඩි අපහසුතාවයට පත්ව සිටිනවා.
ඔවුන් පවසන්නේ අදාල සංචාරකයින් රැගෙන යාමෙන් අනතුරුව මෙලෙස නිරෝධායනයට වීමට සිදුවන බවයි ඔවුන් රැගෙන යාමට ප්‍රථමයෙන් බලධාරීන් තමන්ට දැනුම් නොදුන් බවයි.
යුක්‍රේනයෙන් පැමිණි සංචාරකයින් 6 දෙනෙකුට මේ වන විට කොවිඩ් 19 ආසාදනය වී ප්‍රතිකාර ලබමින් සිටිනවා.
යුක්‍රේන සංචාරකයින් මෙරටට රැගෙන ඒමේ ව්‍යපෘතියේ මූලිකයා ලෙස ක්‍රියාකරන්නේ හිටපු රුසියානු තානාපතිවරයෙකු මෙන්ම මහින්ද රාජපක්ෂ මහතාගේ ඥාතියෙකුද වන උදයංග වීරතුංග මහතායි.
සන්ඩේ ටයිම්ස් පුවත්පත වාර්තා කරන්නේ අදාල සංචාරකයින් ගෙන්වීමේ වැඩපිළිවෙල වෙනුවෙන් ඔහු ලබාදී ඇති ලිපිනය වන්නේ අරලියගහ මන්දිරය, කොළඹ 03 යන ලිපිනය බවයි.
උදයංග වීරතුංග මහතා වරින් වර කිහිප අවස්ථාවකදීම අදාල යුක්‍රේන සංචාරකයින් මුණ ගැසුනද ඔහු තවමත් කිසිදු නිරෝධායන ක්‍රියාවලියකින් තොරව නිදැල්ලේ සැරිසැරීමද විශේෂත්වයක්.
මෙම සිදුවීමට අදාල දර්ශන පහතින්,
