කෙරවළපිටියේ දැනට ක්රියාත්මක වන මෙගවොට් 350 ක යුගදනවි විදුලි බලාගාරය හිමි වෙස්ට්කෝස්ට් සමාගමේ කොටස්වලින් මහාභාණ්ඩාගාරයට අයත් 40% ක් ඇමරිකාවේ නිව් පෝට්ට්රෙස් නමැති සමාගමට විකිණීම සම්බන්ධ පුවත සත්ය බවත් එලෙස විකිණීමේ කිසිඳු වරදක් නොමැති බවත් විදුලිබල අමාත්ය ගාමිණී ලොකුගේ මහතා පවසනවා.
ඒ, අද (25) දින කොළඹදී මාධ්ය වෙත අදහස් දක්වමින්.
” අපේ මැතිවරණ ප්රකාශය අරන් කියවන්න. අපේ මැතිවරණ ප්රකාශයේ ප්රධානම එකක් තමයි අපි ජාත්යන්තර සමාගම් එක්ක රජය එකතු වෙලා, රජය සහ පුද්ගලික අංශය එකතු වෙලා සංවර්ධන කටයුතු කරනවා. ඒක අපි මහ මැතිවරණයට කලින් කියපු එකක්. දැන් ඔය තෙල් සංස්ථාව පහුගිය කාලෙත් කළේ ඒකයි. 2002ට කලින් ලංකාව 100%ක් අයිති ආයතනයක්. ඒ පනත වෙනස් කරලා තෙල් සංස්ථාව 2ට බෙදුවා. එකක් තෙල් සංස්ථාව. අනික කොළොන්නාව ටර්මිනල් කියලා. හම්බන්තොට වරායෙ නම් අපි තාමත් උත්සහ කරනවා කොටස් ආපහු ගන්න. 80%ක් කොටස් දුන්නා. දීලා දැන් මේ ඇමරිකන් සල්ලි ගන්න එක ගැන කතා කරනවා. අපි දේශීය සම්පත් මොන හේතුව නිසාවත් විකුණන්නෙ නෑ” යැයි ඔහු පවසයි.