මුදල් විශුද්ධිකරණ චෝදනාව යටතේ අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන රක්ෂිත බන්ධනාගාරගතකර සිටින යෝෂිත රාජපක්ෂ අද (27) යළිත් අධිකරණයට ඉදිරිපත් කිරීමට නියමිතව තිබෙනවා.
25 වැනි දින පෙරවරුවේ ඔහුව අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගනු ලැබුවා.
බෙලිඅත්ත අධිවේගී පිවිසුම අසළදී අත්අඩංගුවට ගත් යෝෂිත රාජපක්ෂ කොළඹ අපරාධ පරීක්ෂණ දෙපාර්තමේන්තුවට රැගෙනවිත් තිබුණා.
එහිදී පැය 4ක පමණ කාලයක් ප්රශ්න කිරීමෙන් පසුව කොළඹ අලුත්කඩේ අංක 05 අතිරේක මහේස්ත්රාත් පවිත්රා සංජීවනි හමුවට ඉදිරිපත් කිරීමේ අනතුරුව අද දක්වා රිමාන්ඩ් කිරීමට මහේස්ත්රාත්වරිය නියෝග කළා.
මේ අතර, යෝෂිත රාජපක්ෂ අත්අඩංගුවට ගැනීමේ සිද්ධියට ජනාධිපතිවරයා හෝ මහජන ආරක්ෂක අමාත්යවරයා කිසිදු මැදිහත්වීමක් නොකළ බව, පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග මහතා ඊයේ පැවති ප්රවෘත්ති සාකච්ඡාවකට එක්වෙමින් ප්රකාශ කළා.