කිලිනොච්චියේ සිට යාපනය සිටි තම පෙම්වතිය හමුවීමට ගිය තරුණයෙකුට කිසියම් කල්ලියක් කඩු ප්රහාරයක් එල්ල කර ඔහු සතු වූ ස්වර්ණාභරණ , මුදල් , ජංගම දුරකථනය හා ත්රිරෝද රථය කොල්ල කා පලා ගොස් ඇති බවට පැමිණිල්ලක් ලැබී ඇති බව මනිප්පායි පොලිසිය පවසනවා.
පොලීසිය පවසන්නේ තරුණයා කිලිනොච්චිය සිට යාපනයට ගොස් එතැන් සිට උරුම්පිරායි තෙක් ත්රිරෝද රථයෙන් ගමන් කර ඇති අතර එම අතරමඟදී ඔහු ගමන් ගත් ත්රිරෝද රථය තවත් ත්රිරෝද රථයක් මඟින් හරස් කොට කඩුවකින් පහර දී මෙසේ කොල්ල කා පල ගොස් ඇති බවයි.
කඩු පහරින් පසු තමන් සිහිසුන්ව අද වැටුණු බවත් පසුව තමන්ට සිහිය එන විට තමන් කුලී පදනම මත ගෙන තිබු ත්රිරෝද රථයද අතුරුදන්ව තිබු බවත් ලක්වූ තරුණයා සදහන් කර ඇති බවයි වාර්තා වෙන්නේ.
වහාම ඔහු වෙනත් ත්රීරෝද රථයකින් මනිප්පයි පොලිසිය වෙත පැමිණ සිද්ධිය විස්තර කරමින් සිටියදී නැවත සිහිසුන් වී තිබෙන බැවින් ගිලන් රථයක ආධාරයෙන් ඔහුව යාපනය ශික්ෂණ රෝහලට ඇතුලත් කිරීමට පොලිස් නිලධාරීන් කටයුතු කර තිබෙනවා.
මනිප්පයි පොලිසිය සිද්ධිය සම්බන්ධයෙන් වැඩිදුර විමර්ශන සිදු කරනවා.
