හදිසි භාවිතය සඳහා කොවිඩ් -19 ට එරෙහි ලොව ප්රථම DNA එන්නතට ඉන්දියාවේ ඖෂධ නියාමන ක්රියාවලිය තුළ අනුමැතිය හිමිවී ඇතැයි වාර්තා වේ.
මාත්රා තුනේ සයිකොව්-ඩී (ZyCoV-D ) එන්නත ලබා ගත් අයගෙන් 66% කගේම රෝග ලක්ෂණ පහව ගොස් ඇති බව ‘කැඩිලා හෙල්ත්කෙයාර්’ උපුටා දැක්වූ අතුරු අධ්යයනයකට අනුව හෙළිව තිබේ.
මේ වෙනුවෙන් එන්නත්කරණ මධ්යස්ථාන 50 කට වැඩි ගණනක ස්වේච්ඡා සේවකයන් 28,000 ක් සම්බන්ධ කරගනිමින් ඉන්දියාවේ මෙතෙක් සිදු කළ විශාලතම එන්නත් අත්හදා බැලීම සිදුකළ බව කැඩිලා හෙල්ත්කෙයාර් ආයතනය පවසනු ලබයි.
ඉන්දියාවේ තරුණයින් තුළ කොවිඩ් -19 එන්නතක් පරීක්ෂා කළ පළමු අවස්ථාව මෙය බව ද එම සමාගම පවසයි. අවුරුදු 12-18 වයස් කාණ්ඩයට අයත් පුද්ගලයින් 1,000 ක් පමණ පරීක්ෂණය සඳහා දායකත්වය ලබා දී ඇති අතර මෙම වයස් කාණ්ඩය සඳහා එන්නත් “ආරක්ෂිත සහ හොඳින් දරා ගත හැකි”මට්ට්මේ පවතින බව පරීක්ෂණ තුළින් අනාවරණය වී තිබේ.
මෙය විශේෂයෙන් ශීඝ්රයෙන් ව්යාප්ත වන ඩෙල්ටා ප්රභේදයේ විකෘති වූ වික්රියා වලට එරෙහි කාර්යක්ෂම බව නැවත තහවුරු කර ඇති බවත් එන්නත නිපදවන සමාගම පවසා ඇති බව nature.com වාර්තා කරයි.
DNA සහ RNA යනු ජීවයක පදනම වන, දෙමව්පියන්ගෙන් දරුවන්ට සම්ප්රේෂණය වන ජානමය තොරතුරු රැගෙන යන අණු ය.
අනෙකුත් එන්නත් මෙන්ම DNA එන්නත ද හරහා වෛරසයට එරෙහිව සටන් කිරීමට ශරීරයේ ප්රතිශක්තිකරණ පද්ධතිය මෙහෙයවන අතර වසංගතය පාලනය කිරීම සඳහා එන්නත මඟින් සුවිශේෂී බලපෑමක් සිදුවනු ඇතැයි පර්යේෂකයින් පෙන්වා දෙයි.