කොවිඩ් 19 ආසාදිතව මිය ගිය පුද්ගලයන් සංඛ්‍යාව 109 ක් දක්වා ඉහළ ගොස් ඇති අතර එම මිය ගිය පුද්ගලයන් අතරින් පුද්ගලයන් 44 ක් නිවෙස්වලදී හා රෝහල් වෙත ඇතුළත් කිරීමේදී සිදු වූ මරණ වන අතර 64 දෙනකු මිය ගොස් ඇත්තේ රෝහල්වල සහ එක් අයෙකු මාර්ගයක මියගොස් සිටි අයෙකි.
තවද වැඩිම මරණ සංඛ්‍යාවක් වාර්තා වී ඇත්තේ කොළඔ දිස්ත්‍රික්කය. ඒ් 81 ක්ය. ගම්පහ දිස්ත්‍රික්කයේ පුද්ගලයන් 13 ක්, කළුතරින් 06ක්, කුරුණෑගලින් 04ක්, පුත්තලමෙන් 03ක්, නුවරඑළියෙන් එක් මරණයක් සහ හඳුනානොගත් එක් මරණයකුත් මෙරටින් වාර්තා වූ කොවිඩ් මරණ අතරට අයත්ය.
මියගිය පුද්ගලයන් අතරින් තිදෙනෙකු වයස අවුරුදු 10 ත් 30 ත් අතර වයස්වල පසුවන අතර සිව්දෙනෙකු 31 ත් 40 ත් අතර වයස්වල පසුවිය. වයස අවුරුදු 41 ත් 50 ත් අතර වයස් සීමාවේ පසුවන 16 ක් , වයස 51 ත් 60 ත් අතර 21 ක් , වයස 61 ත් 70 ත් අතර යන වයස්වල 20 දෙනකුද මිය ගිය අය අතර වේ. සමස්ත කොවිඩ් මරණ අතරින් වැඩිම සංඛ්‍යාවක් මියගොස් ඇත්තේ අවුරුදු 71 ට වඩා වැඩි වයස් කාණ්ඩයෙන්ට අයත් පුද්ගලයන් වන අතර එම සංඛ්‍යාව 45 කි.
